એપલના જૂના આઇફોન મોડલ્સ પર બમ્પર ડિસ્કાઉન્ટ આપવામાં આવી રહ્યું છે. આ વર્ષે આઇફોન 14 પણ લોન્ચ કરવામાં આવશે. જૂનો આઇફોન ખરીદવો તે કેટલું સારું છે?
આઇફોન 14 લોન્ચિંગ પહેલા જૂના મોડેલના ભાવ ઘટયા
આઈફોન 11 64 જીબી મોડલના લગભગ 45,000 રૂપિયા
આ વર્ષના અંતે આઈફોન 14 લોન્ચ થઇ શકે છે
કિંમતોમાં ઘટાડો જોવા મળ્યો
એપલ આઇફોન 14 લોન્ચિંગ પહેલા જૂના આઇફોનની કિંમતમાં ઘટાડો કરવામાં આવ્યો છે. આ ઉપરાંત આઇફોન 13 પર પણ ડિસ્કાઉન્ટ આપવામાં આવી રહ્યું છે. જોકે જો તમારું બજેટ ઓછું હોય તો તમે આઇફોન 12 કે 11 ખરીદી શકો છો. આવી સ્થિતિમાં, કિંમત ઘટાડા પછી આ ફોન લેવો તે કેટલું સચોટ છે? આવો જાણીએ.
આઇફોન 11 પર ડીલ
સૌથી પહેલા આઇફોન 11 પર મળનારી ડીલ વિશે જણાવી દઈએ. આ ફોનને ક્રોમા, ઇમેજિન, એમેઝોન અને ફ્લિપકાર્ટ જેવા અનેક પ્લેટફોર્મ પર ડિસ્કાઉન્ટેડ પ્રાઇસ સાથે લિસ્ટ કરવામાં આવ્યો છે.
આઈફોન 11 હાલ 45,000માં મળી રહ્યો છે
આઈફોન 11 64 જીબી મોડલને લગભગ 45,000 રૂપિયામાં વેચવામાં આવી રહ્યો છે. જ્યારે તેના આઇફોન 11નું 128 જીબી સ્ટોરેજ વેરિઅન્ટ લગભગ 50,000 રૂપિયામાં વેચાઇ રહ્યું છે. પરંતુ, આ ડિસ્કાઉન્ટ ઘણું વધારે છે, તમે થોડા પૈસા વધુ ખર્ચ કરીને આઇફોન 12 ખરીદી શકો છો એટલે કે, આઇફોન 11 ખરીદવો એ અત્યારે સારી ડીલ નથી કારણ કે તે હવે ખૂબ જ જૂનો થઈ ગયો છે. તેની બેટરી પરફોર્મન્સ અને કેમેરા ક્વોલિટી પણ આઇફોન 12 કરતા ઓછી છે આઇફોન 12 અથવા આઇફોન 13માં તમને બોક્સી ડિઝાઇન મળશે જ્યારે આઇફોન 11 સાથે તમને જૂની કર્વી ડિઝાઇન મળશે.
આઈફોન 12 હાલ 53,000 આસપાસ મળી રહેશે
આઇફોન 12 માટે તમારે લગભગ 53,000 રૂપિયા ખર્ચ કરવા પડશે. આ સ્માર્ટફોન લેટેસ્ટ ડિઝાઇન, ફાસ્ટ પરફોર્મન્સ અને શાનદાર કેમેરા સાથે આવે છે. જો કે, જો તમારું બજેટ વધારે હોય, તો તમે આઇફોન 13 સાથે પણ જઇ શકો છો.
જુના મોડેલના ભાવ હજુ ઘટી શકે છે
આઇફોન 14 આ વર્ષે લોન્ચ કરવામાં આવશે. આ પછી જૂના આઇફોનની કિંમતમાં વધુ ઘટાડો જોવા મળશે. આવી સ્થિતિમાં, જો તમે આઇફોન 14 લોન્ચ થાય ત્યાં સુધી રાહ જોઈ શકો છો, તો પછી તમે જૂના આઇફોન મોડેલ પણ સસ્તા ખરીદી શકો છો.