વિવાદ / ‘ઈન્શાઅલ્લાહ’ પહેલા પણ સલમાન-સંજય વચ્ચે મતભેદ, કહ્યુ કે, 'કોઇ મચ્છર પણ ફિલ્મ જોવા ન હતો ગયો'

જી હા, સલમાન ખાન તથા ડિરેક્ટર સંજય લીલા ભણસાલી લાંબા સમય બાદ ‘ઈન્શાઅલ્લાહ’માં કામ કરવાના હતાં. સલમાન ખાન અને આલિયા ભટ્ટ પહેલી વખત આ ફિલ્મમાં સાથે જોવા મળવાના હતા. સૂત્રોનુસાર, શૂટિંગ શરૂ થયાના તેના 3 દિવસ પહેલાં જ ‘ઈન્શાઅલ્લાહ’ નહીં બને તેવો નિર્ણય લેવામાં આવ્યો અને સલમાન ખાને પ્રોજેક્ટ છોડી દીધો હોવાની વાત ચાલી રહી છે. સલમાન ખાન તથા ડિરેક્ટર સંજય લીલા ભણસાલી વચ્ચે ક્રિએટિવ ડિફરન્સ હોવાને કારણે આ  ‘ઈન્શાઅલ્લાહ’ બંધ કરવામાં આવી છે.

જોકે આ પહેલી વખત નથી જ્યારે સલમાન ખાન અને સંજલ લીલા ભણસાલીની વચ્ચે કોઇ ફિલ્મને લઇને વિવાદ થયો હોય. વાસ્તવમાં ‘ઈન્શાઅલ્લાહ’ પહેલા ફિલ્મ 'ખામોશી:  ધ મ્યૂઝિકલ' અને 'હમ દિલ દે ચૂકે સનમ' ને લઇને સલમાન-સંજય વચ્ચે મતભેદ થયા બહતા. ફિલ્મ હમ દિલ દે ચૂકે સનમ' માં સલમાન ખાન ઇચ્છતો હતો કે ફિલ્મના અંતમાં નંદિની ( ઐશ્વર્યા રાય) તેને મળે, જોકે સંજય લીલા ભણસાલીએ ફિલ્મમાં કોઇ પ્રકારનો બદલાવ ના કર્યો, જે સલમાન ખાનને પસંદ ન હતો આવ્યો. 

કંઇ આવુ ફરી જોવા મળ્યુ સંજય લીલા ભણસાલીની ફિલ્મ 'ગુઝારિશ'માં. આ ફિલ્મમાં સંજય લીલા ભણસાલી પહેલા સલમાનની સાથે ઐશ્વર્યાને કાસ્ટ કરવા માટે ઇચ્છતા હતા પરંતુ કોઇ રીતે આ શક્ય ના થયું. આ પછી સંજય લીલા ભણસાલીએ ફિલ્મ રિતિક રોશન સાથે બનાવી. પરંતુ સલમાનને આ વાત પણ પસંદ ના આવી. સલમાન ખાને એક ઇન્ટરવ્યૂમાં 'ગુઝારિશ' ને લઇને એક કહ્યુ કે, ''અરે તેમાં તો માખીઓ ઉડી રહી હતી, પરંતુ મચ્છર પણ ફિલ્મ જોવા ન હતો ગયો. ત્યાં સુધી કે કોઇ કૂતરુ પણ ના ગયુ.''

રિપોર્ટ અનુસાર,  સલમાન ખાન ‘ઈન્શાઅલ્લાહ’માં થોડી વધારે દખલગીરી કરતો હતો, જે સંજય લીલા ભણસાલીને પસંદ ન હતુ. આ સિવાય સલમાન ફિલ્મમાં એક્ટ્રેસ તરીકે ડેઇઝી શાહ અને વસુલ્યા ડિસોઝાને લેવા માગતો હતો પરંતુ તેના માટે સંજય લીલા ભણસાલી બિલ્કુલ તૈયાર ના હતા, જેથી બંનેએ આ પ્રોજેક્ટ પર કામ ના કરવાનું નક્કી કર્યું હતું. જોકે પ્રોજેક્ટ બંધ થવાની બંનેના સંબંધોમાં કોઈ જાતની કડવાશ આવી નથી. ભણશાલી હજી પણ સલમાનને પહેલાં જેટલો જ પ્રેમ કરે છે. બંને આજે પણ મિત્ર છે.