ટિપ્સ / એક્સર્સાઇઝ કે યોગ પહેલા આ કામ ભુલથી પણ ન કરતા

• હળવી કસરતના 30 મીનિટ પહેલા ફળ, જ્યુસ, સૂકોમેવો ખાઇ શકો છો
• એક્સર્સાઇઝ પહેલા વધુ પડતુ પાણી પી લેવામાં આવે તો શરીરને નુકશાન પહોંચે છે

ફિટનેસ માટે કોઇ પણ પ્રકારની પ્રવૃતિ જેમકે એક્સર્સાઇઝ, યોગ, પ્રાણાયમ, ડાન્સ, વોકિંગ, જોગિંગ કે રનિંગ તમે અપનાવવી રહ્યા હો તો કેટલીક બાબતોનું ખાસ ધ્યાન રાખજો. તેમા પણ નિયમો જરુરી છે. આ દરમિયાન તમારુ પરફોર્મન્સ ત્યારે સારુ થશે જો તમે કેટલીક બાબતોનું ધ્યાન રાખશો.

ખાલી પેટ કસરત કરવી
શારિરીક પ્રવૃતિ કરવા જતા હો તે પહેલા શરીરને ઉર્જાની જરુર હોય છે. જો તમે ખાલી પેટે વર્કઆઉટ કરશો તો સમય કરતા પહેલા થાકી જશો અને નબળાઇ અનુભવશો. જો તમે હળવી કસરત કરવા ઇચ્છતા હો કે ભારે વર્કઆઉટના કમસે કમ અડધો કલાક પહેલા ફળ, સુકો મેવો કે જ્યુસનુ સેવન કરો. શાકભાજીનુ ફ્રેશ જ્યુસ કે સલાડ પણ ખાઇ શકો છો. આમ કરવુ એટલે જરુરી છે કેમકે વર્કઆઉટ દરમિયાન માંસપેશીઓમાં કંઇક અવશોષિત કરવાની ક્ષમતા વધી જાય છે. તેથી શરીરમં કંઇને કંઇ પૌષ્ટિક વસ્તુઓનુ જવુ ખુબ જરુરી છે. તમે ઇચ્છો તો નાસ્તો પણ કરી શકો છો, પરંતુ એક્સર્સાઇઝના એક કલાક પહેલા.

ચા કોફી પીવાની આદત
ઘણા સંશોધનોમાં એ વાત સામે આવી છે કે ચા અને કોફીમાં રહેલુ કેફીન શરીરમાં એકાગ્રતાક્ષમતાને અને ઉર્જાને વધારવામાં મદદ કરે છે. જો તેને જરુર કરતા વધુ પી લેવામાં આવે તો શરીરમાં પાણીની કમી થઇ શકે છે. તે લોહીમાં ઇન્સ્યુલિનની માત્રાને પણ વધારી દે છે. વયક્તિ વર્કઆઉટ દરમિયાન એનર્જેટિક તો રહે છે , પરંતુ મનથી ખુશ રહી શકતી નથી

વધુ પાણી પીવુ
પાણી શરીરને હાઇડ્રેટ રાખે છે એ વાત સાચી, પરંતુ એક્સર્સાઇઝ પહેલા વધુ પડતુ પાણી પી લેવામાં આવે તો શરીરને નુકશાન પહોંચે છે. તેના કારણે લોહીમાં સોડિયમની માત્રા ઘટી જાય છે. વર્કઆઉટ શરુ કરતા પહેલા લગભગ બે કલાક પહેલા એક મિડિયમ બોટલ પાણી પીવો. વોર્મઅપના અડધા કલાક પહેલા અડધી બોટલ પાણી પીવો. એક્સર્સાઇઝ દરમિયાન પાણીની જરુર લાગે તો 15-20 મિનિટના અંતરે 3-4 ઘુંટડા પાણી પીવો.

ઓછી ઉંઘ લેવી
વર્કઆઉટ પહેલા તમારી ઉંધ પુરી નહી થઇ હોય અથવા તમે મોડે સુધી સુતા રહેશો તો તે તમારા શરીર માટે નુકશાનકારક સાબિત
થશે. જરુરી એ છે કે તમે સાતથી આઠ કલાકની ઉંધ લો. કસરત શરુ કરવા અને ઉઠવા વચેચે થોડો ગેપ હોવો જોઇએ.