જરૂરી વાત / કાર ખરીદતી વખતે આ 4 બાબતોનું રાખો ખાસ ધ્યાન, જાણો કઈ રીતે લેશો બેસ્ટ ડિલ્સનો લાભ

• કાર ખરીદતી વખતે આ બાબતોનું રાખો ધ્યાન 
• બેસ્ટ ડીલ્સનો મળશે લાભ 
• એક્ઝિક્યુટિવને કરો આ સવાલ 

કાર ખરીદતા પહેલા ઘણી બધી બાબતોનું ધ્યાન રાખવું પડે છે. કારણ કે ઘણી વખતે એવું બનતુ હોય છે કે સેલ્સ એક્ઝિક્યુટિવ તમારી પાસે ઘણી બાબતો છુપાવે છે અથવા કહેવાનું ભુલી જાય છે તેમને જાણવી ગ્રાહકો માટે ખૂબ જ જરૂરી છે. એવામાં અમે તમને કાર ખરીદવા માટેની અમુક સરળ ટિપ્સ બતાવવા જઈ રહ્યા છીએ. જેને ફોલો કર્યા બાદ તમે બેસ્ટ કાર ડીલ લઈ શકો છો. 

હંમેશા સેલ્સ એક્ઝિક્યુટિવ પાસેથી માંગો કારની કિંમતનું બ્રેક અપ 
ઘણી વખત કસ્ટમર કાર ડીલરશિપ પર જાય છે તો તેમને ફક્ત કારની કિંમત જણાવવામાં આવે છે જ્યારે સાચી રીત એ છે કે તમે સેલ્સ એક્ઝિક્યુટિવને કહીને કારની રીયલ કિંમતનું બ્રેક અપ લો. તેનાથી તમને ખબર પડી જશે કે કારની રિયલ પ્રાઈઝ કેટલી છે અને તમે કઈ રીતે તેના પર ડિસ્કાઉન્ટ લઈ શકો છો. 

ડિસ્કાઉન્ટ ઓફર વિશે જાણી લો 
મોટાભાગે તમને કાર પર ડિસ્કાઉન્ટ જરૂરથી મળે છે. ડિસ્કાઉન્ટ ભલે થોડુ ઓછુ હોય પરંતુ તમે ડિલરશિપ્સ પર ઓફરનો લાભ જરૂર લઈ શકો છો. ઘણી વખત સેલ્સ એક્ઝિક્યુટિવ તમને અસલ ઓફર વિશે નથી જણાવતા. એવામાં તમે કંપનીની ઓફિસ્યલ વેબસાઈટ પર જઈને પોતાના એરિયાની ઓફર્સ વિશે જાણી શકો છો. 

એક્સેસરીઝની જાણકારી લો 
ધણી વખત એમુક એક્સ્ટ્રા એક્સેસરીઝ પણ તમને કારની સાથે ઓફરમાં આપવામાં આવે છે. જોકે તેના વિશે સેલ્સ એક્ઝિક્યુટિવ તમને નથી જણાવતા, પરંતુ તમે આ એક્સેસરીઝનો પણ લાભ લઈ શકો છો. આ એક્સેસરીઝ 25,000થી 30,000 રૂપિયાની આવે છે. 

રૂરલ અને અર્બન ઓફર્સ વિશે જાણી લો 
ધણી વખત ડિલરશિપ્સ પર રૂરલ અને અર્બન કસ્ટમર્સ માટે અલગ અલગ ઓફર્સ ચાલતી હોય છે પરંતુ તમે તેના વિશે જાણી નથી શકતા. જો તમે કાર ખરીદવાનું મન બનાવી લીધુ છે તો પોતાના સેલ્સ એક્ઝિક્યુટિવ પાસે પહેલા રૂરલ અને અર્બન ઓફર્સ વિશે જરૂર જણાણી લો.