સસ્તા ઈયરફોન ખરીદતા પહેલા થઇ જાઓ સાવધાન થાય છે આ નુકસાન 

ઈયરફોનનો શોખ દિવસે-દિવસે વધતો જાય છે. તેના ઘણા ફાયદા પણ છે તો સાથે-સાથે નુકસાન પણ છે. તમને રોડ પર ઈયરફોનના સ્ટોલ્સ જોવા મળતા હશે. ઘણીવાર ટ્રેનમાં તમને કોઈ વ્યક્તિ ઈયરફોન વેચતી દેખાશે. સસ્તા હોવાને કારણે ઘણાં લોકો આ ઈયરફોન ખરીદી લેતા હોય છે. 

દરેક લોકોમાં વિચાર આવતો હોય છે કે દુકાનમાં 300-400 રૂપિયા ખર્ચીને ઈયરફોન લેવા કરતા અહીંથી 30 40 અથવા 50 લઇ લઇએ પરંતુ શું તમે જાણો છો કે આ પ્રકારના ઈયરફોન ખરીદવાથી તમને કેટલું નુકસાન થઈ શકે છે. સસ્તા ઈયરફોનની સૌથી મોટી સમસ્યા અવાજની હોય છે. 

ઘણી વાર એવું બને છે કે આપણે ઈયરફોન ખરીદી લઈએ છીએ પરંતુ ઉપયોગ કરીએ ત્યારે ખબર પડે છે કે એક ભાગમાં વ્યવસ્થિત અવાજ આવતો જ નથી હોતો. સસ્તા ઈયરફોનમાં સૌથી મોટી ફરિયાદ હોય છે કે તે કાનમાં ફિટ નથી થતા. .



ફિટ ન થવાનું કારણ છે મેન્યુફેક્ચરર્સ આના મેકિંગમાં વધારે સમય અને મહેનત નથી આપતા. અહીં તમારી પાસે એક્સચેન્જનું ઓપ્શન પણ નથી હોતું. સસ્તા ઈયરફોનમાં એક સમસ્યા હોય છે સોફ્ટ વોઈસની ગેરહાજરી. જો તમે અવાજ સ્લો કરશો તો સાંભળી નહીં શકો અને જો અવાજ હાઈ કરશો તો કાનમાં દુ:ખાવો થવા લાગશે. 

તમે સોફ્ટ મ્યુઝિકના શોખીન હશો તો પણ જો સસ્તા ઈયરફોન ઉપયોગ કરશો તો તમને હાઈ વોલ્યુમમાં મ્યુઝિક સાંભળવાની આદત પડી જશે.ગ્રાહકને આકર્ષિત કરવા માટે સસ્તા ઈયરફોનમાં અવાજને હાઈ ડેસીબલ પર સેટ કરવામાં આવે છે. પરંતુ હાઈ ડેસીબલના ઈયરફોનના સતત ઉપયોગ કરવાથી ધીરેધીરે તમારી સાંભળવાની ક્ષમતા ઓછી થઈ જાય છે. 

સસ્તા ઈયરફોનમાં અવાજને કંટ્રોલ કરવાની સારી વ્યવસ્થા નથી હોતી. વધારે હાઈ વોલ્યુમમાં મ્યુઝિક સાંભળવાથી માનસિક સમસ્યા થઈ શકે છે તમને માથામાં દુ:ખાવો અથવા ઊંઘ ન આવવાની ફરિયાદ હોઈ શકે છે.