આજે અમે તમને એ વાતો જણાવશું કે લેપટોપ ખરીદતા સમયે કઈ કઈ વાતોનું ધ્યાન રાખવું જોઈએ.
લેપટોપ ખરીદતી વખતે યોગ્ય ફીચર્સને ધ્યાનમાં રાખવા ખૂબ જ જરૂરી
લેપટોપ ખરીદતા સમયે કઈ કઈ વાતોનું ધ્યાન રાખવું
હંમેશા એક સારી બેટરી બેકઅપવાળું લેપટોપ લેવું જોઈએ.
જેમ જેમ ટેકનોલોજીનો વપરાશ વધતો જાય છે તેમ તેમ લોકો સામે તેને ખરીદવાના વિકલ્પ પણ વધતાં જાય છે. જો આજે તમે કોઈ લેપટોપ ખરીદવાનું વિચારો છો તો બજારમાં ઉપલબ્ધ ઘણા વિકલ્પોને કારણે મૂંઝવણમાં મુકાઇ શકો છો. નવું લેપટોપ ખરીદતી વખતે યોગ્ય ફીચર્સને ધ્યાનમાં રાખવા ખૂબ જ જરૂરી છે, આજે નહીં તો જ્યારે પણ તમે નવું લેપટોપ ખરીદવાનું નક્કી કરો છો એ સમયે કેટલીક મહત્વપૂર્ણ બાબતો છે જે તમારે હંમેશા ધ્યાનમાં રાખવી જોઈએ. આજે અમે તમને એ જ વાતો જણાવવા જઈ રહ્યા છીએ કે લેપટોપ ખરીદતા સમયે કઈ કઈ વાતોનું ધ્યાન રાખવું જોઈએ.
બજેટ અને તમારી જરૂરિયાત :
લેપટોપ ખરીદતી વખતે તમારે એક ખાસ વાતનું ધ્યાન રાખવું પડશે કે તમારી જરૂરિયાત શું છે તમારે કયા કામ માટે લેપટોપ ખરીદવું છે. જરૂરિયાત મુજબ દમદાર બેટરી, શ્રેષ્ઠ ફીચર્સ અને સારી સ્ક્રીન જોઈને યોગ્ય લેપટોપ પસંદ કરી શકાય છે. તો જ્યારે પણ લેપટોપ ખરીદો ત્યારે એ પહેલા નક્કી કરો કે એ લેપટોપનો ઉપયોગ તમારે કયા કામ માટે કરવો છે.
ઉદાહરણ - જો તમે સ્કૂલ કે કોલેજના કોમ બેઝિક કામ કરવા માટે લેપટોપ શોધી રહ્યા છો તો તમારે દમદાર પ્રોસેસર અને હાઇ-રીઝોલ્યુશન ડિસ્પ્લેની વધુ જરૂર નથી રહેતી તો તેના પર વધુ ખર્ચ ન કરવો જોઈએ અને એવું લેપટોપ પસંદ કરવું જોઈએ . એટલે કે તમારી જરૂરિયાત સમજો અને પછી બજેટ પ્રમાણે લેપટોપ ખરીદો.
સ્ક્રીન :
તમારી માટે યોગ્ય લેપટોપ પસંદ કરતી વખતે સૌ પ્રથમ વસ્તુ જે ધ્યાનમાં રાખવી જોઈએ તે છે ડિસ્પ્લે. જણાવી દઈએ કે જો તમારું બજેટ ઓછું છે અને તમે બજેટ લેપટોપ શોધી રહ્યા છો તો હાઈ રિઝોલ્યુશન ડિસ્પ્લે અને પાતળા બૈજલ્સ ની કોઈ જરૂર નથી પણ જો તમારા બજેટમાં કોઈ સમસ્યા નથી તો એવી સ્ક્રીનવાળું લેપટોપ ખરીદો જે સારા વ્યુઇંગ એંગલ સાથે હાઇ -રિઝોલ્યુશન સ્ક્રીન અને OLED પેનલ આપે છે.
બેટરી લાઇફ:
લેપટોપ હોય કે કોઇપણ ગેજેટ તેની બેટરી એ એકમાત્ર એવી વસ્તુ છે જે ડીવાઇસમાં જીવ લાવવાનું કામ કરે છે. તમારું બજેટ ભલે ઓછું કે વધુ ગમે તે હોય પણ જો લેપટોપની બેટરી લાઈફ જ સારી ન હોય તો લેપટોપ કોઈ કામનું નથી. કારણ કે લેપટોપની બેટરીને વારંવાર ચાર્જ કરવું એ ખૂબ સરળ કામ નથી. મુસાફરી કરતાં સમયે કામ કરતી વખતે જો લેપટોપની બેટરી અધવચ્ચે જ પૂરી થઈ જાય તો કામ અટકી જાય છે. તો હંમેશા એક સારી બેટરી બેકઅપવાળું લેપટોપ લેવું જોઈએ.