બોલિવૂડના ખેલાડી અક્ષય કુમારની મોસ્ટ અવેઇટેડ ફિલ્મ લક્ષ્મી બોમ્બનું ટ્રેલર શુક્રવારે આવી ગયુ છે. રિલીઝ થતાની સાથે જ ટ્રેલર સોશ્યલ મિડીયા પર ખુબ વાયરલ થઇ રહ્યું છે.
અક્ષય કુમારે કિન્નરનું પાત્ર ભજવ્યું છે
અક્ષય પહેલા કિન્નર બની ચૂક્યા છે આ સ્ટાર્સ
સંઘર્ષ ફિલ્મમાં આશુતોષ રાણા બન્યા હતા કિન્નર
આક્ષયે આ ફિલ્મમાં સાડી પહેરી છે અને કિન્નરનો રોલ નિભાવ્યો છે. ત્યારે આજે અમે તમને જણાવીશું કે અક્ષય પહેલા પણ કેટલાક એક્ટર છે જેમણે કિન્નરની ભૂમિકા નીભાવી છે.
મહેશ ભટ્ટની ફિલ્મ સડકમાં સદાશિવ અમરાપુરકરે એક ટ્રાંસજેન્ડરનું પાત્ર ભજવ્યું હતુ. તેમના આ અવતારે લોકોને ઘણા જ પ્રભાવિત કર્યા હતા. સદાશિવને આ ફિલ્મ માટે ફિલ્મફેર એવોર્ડ પણ મળ્યો હતો.
સંઘર્ષ ફિલ્મમાં આશુતોષ રાણાએ એક મનોરોગી ટ્રાંસજેન્ડરની ભૂમિકા નિભાવી હતી અને એક અલગ છબિ દર્શાવી હતી. આ ફિલ્મ બાદ તેમણે આશુતોષ રાણાએ પોતાની એક અલગ ઓલખાણ બનાવી છે.
મહેશ ભટ્ટની એક ફિલ્મ તમન્નામાં પરેશ રાવલે એક ટ્રાંસજેન્ડરની ભૂમિકા પ્લે કરી હતી. આ ફિલ્મમાં પરેશને એક બાળકી કચરાના ડબ્બામાં મળે છે. જેને તે મોટી કરે છે અને બાળકીનું નામ તમન્ના રાખે છે. તે બાળકીનું પાત્ર પૂજા ભટ્ટે ભજવ્યું છે.
ઇમરાન હાશ્મીની થ્રિલર ફિલ્મ મર્ડર-2માં પ્રશાંત નારાયણને એક મનોરોગી ટ્રાન્સજેન્ડરની ભૂમિકા ભજવી હતી. આ રોલ માટે પ્રશાંતને ઘણી પ્રસંશા મળી હતી.