આજકાલ પીવાના પાણીની તંગી વિશ્વભરમાં છે ત્યારે આ સંકટને પહોચી વળવા માટે વિદેશમાં બીયર મનુષ્યના પેશાબમાંથી બનાવવામાં આવે છે.
સિંગાપોરમાં એક બ્રુવરીમાં બને છે પેશાબમાંથી બીયર
બિયરને ઘણા સ્તરના ફિલ્ટરેશનમાંથી પસાર કરી સંપૂર્ણપણે સેફ પીવા લાયક બનાવે છે
ત્યાંની દુકાનો અને બારમાં પણ ઉપલબ્ધ છે આ પ્રકારનું બીયર
પેશાબમાંથી બનાવે છે બીયર
બિલાડીના મળમાંથી કાઢવામાં આવતા કોફી બીન્સ વિશે તમે સાંભળ્યું જ હશે. તે કોફીના એક કપનો ભાવ લગભગ 6 હજાર રૂપિયા છે. એ જ રીતે હવે માનવ પેશાબમાંથી પણ કંઈક એવું તૈયાર થઈ રહ્યું છે કે જેને પી શકાય. જો તમે બિયરનાં શોખીન છો, તો તમે ધ્યાનથી સંભાળજો. કારણ કે તમને જાણીને આશ્ચર્ય થઇ જશો કે વિદેશમાં માણસોના પેશાબમાંથી બિયર તૈયાર કરવામાં આવી રહી છે.
ખાસ પાણીમાંથી બનાવવામાં આવે છે બીયર
સિંગાપોરમાં એક બ્રુવરીમાં(જ્યાં બિયર બનાવવામાં આવે છે) આ બિયર વેચવામાં આવી રહી છે અને લોકો તેને ખૂબ જ મજાથી પીવે છે. આ બિયરનું નામ ન્યૂબ્રૂ છે. પત્રકાર મોનિકા મિલરે અહેવાલ આપ્યો છે કે બિયર ઘણા સ્તરના ફિલ્ટરેશનમાંથી પસાર થાય છે અને તે પીવા માટે સંપૂર્ણપણે સેફ છે. કોઈ પણ બિયરમાં 95 ટકા પાણી હોય છે. તેવી જ રીતે ન્યૂબ્રુ પણ ખાસ પ્રકારના પાણીમાંથી બનાવવામાં આવે છે. જર્મન જવ અને નોર્વેના યીસ્ટ ઉપરાંત નીવોટરનો ઉપયોગ કરવામાં આવે છે.
નીવોટર એટલે શું ?
નીવોટરને ગટરમાથી નીકળેલ ગંદા પાણીને રિસાયક્લિંગ અને ફિલ્ટર કરીને તૈયાર કરવામાં આવે છે. આ પાણી લગભગ 20 વર્ષથી સિંગાપોરમાં છે. તે સિંગાપોરના પાણી પુરવઠામાં પણ વાપરવામાં આવે છે. સિંગાપોરની પાણીની એજન્સીએ આ ડ્રીંક શરૂ કર્યું છે જે ત્યાંની દુકાનો અને બારમાં પણ ઉપલબ્ધ છે.
શા માટે બનાવવામાં આવ્યું હતું નીવોટર ?
રિપોર્ટ અનુસાર, સિંગાપુરમાં સરકાર પાણીની વધતી માંગને પહોંચી વળવા માટે નવી રીતો પર કામ કરી રહી છે. પીવાના પાણીની અછતને કારણે આવા પગલાં લેવાયાં હતાં. વરસાદી પાણી એકઠું થયેલ પાણી અને મલેશિયાથી આયાત કરવામાં આવતું પાણી પણ સિંગાપોરની ૫૦ ટકા જરૂરિયાતોને પૂર્ણ કરે છે. બાકીની જરૂરિયાત માટે, નીવોટર અથવા ડીસેલીનેટેડ સી વોટર (દરિયાના પાણીમાંથી મીઠું કાઢીને બાકી રહેલું પાણી) વપરાશ કરવામાં આવે છે.
રમત બધી પાણીની જ છે
રિપોર્ટ મુજબ 2060 સુધીમાં સિંગાપોરમાં પાણીની માંગ લગભગ બમણી થવાની સંભાવના છે. દેશની પાણીની અછત અને તે સમસ્યાઓના પ્રશ્નોને હલ કરવા માટે આ પગલાં લેવામાં આવ્યા છે. ભારત, ચીન સહિત અમેરિકાના કેટલાક ભાગોમાં પણ આવા પ્રોજેક્ટ્સ પર કામ ચાલી રહ્યું છે. એટલે સાફ વસ્તુ છે કે, પેશાબમાં પણ પાણી. પાનારેમાં પણ પાણી. દરિયામાં પણ પાણી. બિયરમાં પણ પાણી. આખી રમત પાણી અને પાણીની સફાઇ છે. દરેકના કોરમાં પાણી હોય છે.