નેશનલ ફેમિલી હેલ્થ સર્વેની લેટેસ્ટ રિપોર્ટ આજકાલ ચર્ચામાં છે. આ સર્વેમાં ભારતીયો પાસે લગ્ન, સેક્સ અને સેક્સ્યુઅલ પાર્ટનર સાથે જોડાયેલા અમુક પ્રશ્નો પૂછવામાં આવ્યાં.
નેશનલ ફેમિલી હેલ્થ સર્વેના લેટેસ્ટ રિપોર્ટમાં ચોંકાવનારા આંકડા સામે આવ્યાં
ભારતીયોને લગ્ન, સેક્સ અને સેક્સ્યુઅલ પાર્ટનર સાથેના પ્રશ્નો પૂછાયા
શું ભારતીય લગ્ન પહેલા સેક્સ માણતા નથી?
સર્વેમાં પહેલી વખત સેક્સ કરવાની ઉંમર સામે આવી
રિપોર્ટમાં લગ્નની ઉંમર અને પહેલી વખત સેક્સ કરવાની ઉંમર સંપૂર્ણ રીતે અલગ સામે આવી. સર્વેમાં એવુ પણ જાણવાનો પ્રયાસ કરવામાં આવ્યો કે શું ભારતીય લગ્ન પહેલા સેક્સ માણતા નથી. આંકડા પરથી જાણવા મળ્યું છે કે તેઓ લગ્ન પહેલા શારીરીક સંબંધ બનાવે છે, પરંતુ દરેક સમુદાયમાં તેની એક અલગ પેટર્ન છે.
લગ્ન પહેલા સેક્સ કરવાનો પુરૂષનો દર મહિલાઓથી વિપરીત
લગ્ન પહેલા સેક્સ કરવાનો પુરૂષનો દર મહિલાઓથી વિપરીત છે, ભલે તે કોઈ પણ સમુદાયના હોય. સર્વેમાં સરેરાશ 7.4 ટકા પુરૂષોએ અને 1.5 ટકા મહિલાઓએ માન્યું કે તેમણે લગ્ન પહેલા શારીરીક સંબંધ બનાવ્યાં. સર્વેમાં લગભગ 12 ટકા સિખ પુરૂષોએ કહ્યું કે તેમણે લગ્ન પહેલા શારીરીક સંબંધ બનાવ્યાં છે. બધા ધાર્મિક સમુદાયમાં આ આંકડા સૌથી વધુ છે. તો સિખ મહિલાઓમાં આ આંકડો માત્ર 0.5 ટકા હતો. જે સૌથી ઓછો હતો. હિન્દુ પુરૂષોમાં આ આંકડો 7.9 ટકા, મુસ્લિમ પુરૂષોમાં 5.4 ટકા, કિશ્ચિન પુરૂષોમાં 5.9 ટકા હતો. મહિલાઓની વાત કરીએ તો હિન્દુઓમાં 1.5 ટકા, મુસ્લિમમાં 1.4 ટકા અને કિશ્ચિનમાં 1.5 ટકાએ માન્યું કે તેમણે લગ્ન પહેલા શારીરીક સંબંધ બનાવ્યાં.
શારીરીક સંબંધ મામલે મહિલા-પુરૂષનું સમાન વલણ જોવા મળ્યું
આર્થિક સ્થિતિને પણ આ ચીજ વસ્તુથી જોડીને જોવામાં આવે છે. જેમ કે અમીર પુરૂષો અને ગરીબ મહિલાઓમાં લગ્ન પહેલા સેક્સ કરવાની સૌથી વધુ સંભાવના જોવા મળી. લગ્ન બહાર કોઈ બીજા શખ્સની સાથે શારીરીક સંબંધ બનાવવાને લઇને મહિલા અને પુરૂષ બંનેનું સમાન વલણ જોવા મળ્યું. જો કે, મહિલાઓ તેને ખુલ્લી રીતે ઓછો સ્વીકાર કરે છે. અત્યારે મહિલાઓના સરેરાશ સેક્સ્યુઅલ પાર્ટનર 1.7 ટકા છે, જ્યારે પુરૂષોના 2.1 ટકા છે. 2006માં થયેલા NFHSના ત્રીજા સર્વેની વાત કરીએ તો મહિલાઓમાં આ 1.02 અને પુરૂષોમાં 1.49 હતા.