તમારા કામનું / રોજ બસ 17 રૂપિયાનું રોકાણ કરીને નાની ઉંમરે બની જાઓ કરોડપતિ, આજથી જ કરો શરૂ

• જ્યારે પણ રોકાણ શરૂ કરવામાં ત્યારે એ સારું 
• દર મહિને રૂ. 500નું રોકાણ કરી આ રીતે ભવિષ્ય કરો સુરક્ષિત 
• 20 વર્ષમાં થઈ જશે આટલા રૂપિયા 

આજકાલ દરેક લોકો રોકાણ કરતાં રહે છે અને ખાસ કરીને પોતાના માટે અને પરિવાર માટે ભાવિ રૂપરેખા તૈયાર કરવી ખૂબ જ મહત્વપૂર્ણ છે. ભવિષ્યમાં કોઈપણ પ્રકારની સમસ્યા આવે ત્યારે બીજા પાસે પૈસા ન માંગવા પડે તેને ભવિષ્યનું આયોજન કહેવામાં આવે છે. ભવિષ્યના આયોજન માટે કોઈ ઉંમર નથી હોતી જ્યારથી વિચારી લો ત્યારથી આયોજન કરવા લાગવું જોઈએ. નાની ઉંમરે શરૂ કરાયેલું રોકાણ નિવૃત્તિ સમયે ઘણો ટેકો આપે છે એવામાં જો તમે હજી સુધી કોઈ યોજના નથી બનાવી તો આ સમાચાર તમારા કામના છે. 

જ્યારે પણ રોકાણ શરૂ કરવામાં ત્યારે એ સારું 
જો કે રોકાણ શરૂ કરતા પહેલા કોઈપણ જાણકાર અથવા નિષ્ણાતની સલાહ લેવી જરૂરી છે.  ઇન્વેસ્ટમેટ માટે અમે તમને એક આઇડિયા આપવા જઈ રહ્યા છીએ અને તેનો ઉપયોગ કરીને તમે રોકાણ કરી શકો છો. આ રોકાણ દ્વારા દરરોજ થોડા પૈસા જમા કરીને પણ ભવિષ્ય માટે મોટું ફંડ તૈયાર કરી શકો છો.

દર મહિને 500 રૂપિયા 
થોડી બચક કરીને પણ મોટું રોકાણ થઈ શકે છે અને એ કેવી રીતે તૈયાર કરવું એ વિશે તમને જણાવવા જઈ રહ્યા છીએ. ઉદાહરણ તરીકે જો તમે દર મહિને રૂ. 500નું રોકાણ કરવાનું વિચારી રહ્યા છો, તો તમારે દરરોજ રૂ. 16.66 (લગભગ રૂ. 17)ની બચત કરવી પડશે અને દરરોજ 17 રૂપિયાની બચત કોઈ માટે મોટી વાત નથી.

20 ટકા કે તેથી વધુ વળતર
નાના રોકાણની શરૂઆતમાં તમે મ્યુચ્યુઅલ ફંડમાં રોકાણ કરીને બચત કરવાનું શરૂ કરી શકો છો. આ માટે મહિને 500 રૂપિયાની SIP સાથે પણ તમારું કરોડપતિ બનવાનું સપનું પૂરું થઈ શકે છે. સારા રોકાણ માટે મ્યુચ્યુઅલ ફંડમાં દરરોજ 17 રૂપિયા એટલે કે દર મહિને 500 રૂપિયાનું નું રોકાણ કરવું પડશે. જણાવી દઈએ કે છેલ્લા ઘણા સમયથી મ્યુચ્યુઅલ ફંડએ 20 ટકા કે તેથી વધુ વળતર આપી રહ્યું છે. 

20 વર્ષમાં થઈ જશે આટલા રૂપિયા 
દરરોજ 17 રૂપિયા એટલે કે મહિનામાં 500 રૂપિયા અને વાર્ષિક 6 હજાર રૂપિયાનું રોકાણ કરવું પડશે. 20 વર્ષ માટે વાર્ષિક 6 હજાર રૂપિયા જમા કરીને તમે 1.2 લાખ રૂપિયા જમા થાય છે અને 20 વર્ષમાં ફંડ સરેરાશ 15 ટકા વાર્ષિક વળતર પર વધીને 7 લાખ 8 હજાર રૂપિયા થઈ જશે. જો આપણે 20 ટકા વાર્ષિક વળતરની વાત કરીએ તો આ ફંડ વધીને 15.80 લાખ રૂપિયા થઈ શકે છે. 

જો તમે 30 વર્ષ માટે ગણતરી કરો છો, તો...
20 વર્ષની જગ્યાએ રોકાણનો સમયગાળો વધારીને 30 વર્ષ કરો છો તો આ સમય દરમિયાન તમે કુલ 1.8 લાખ રૂપિયા જમા કરો છો અને 30 વર્ષ સુધી આના પર 20 ટકા વાર્ષિક વળતર મળે છે, તો તમારું ફંડ વધીને 1.16 કરોડ રૂપિયા થઈ  શકે છે. જણાવી દઈએ કે મ્યુચ્યુઅલ ફંડમાં રોકાણ કરવાથી રોકાણકારને ચક્રવૃદ્ધિ વ્યાજનો લાભ મળે છે. આ રીતે તમે નાની રકમના રોકાણ પર તમને મોટું ફંડ મળવાની શક્યતા વધારે છે.