ગરમીની સીઝનમાં સામાન્ય રીતે સ્કીન ઓઈલી થઈ જવી અને ચહેરા પર ડાઘ ધબ્બા પડવા એ સામાન્ય વાત છે. જ્યારે તમે આ સમસ્યાથી પરેશાન થાવ છો ત્યારે તમે બટાકાનો અસરદાર ઉપાય કરો. આ ઘરેલૂ ઉપાયથી તમારા ચહેરાની સુંદરતા વધશે. બટાકાનો જ્યૂસ ફક્ત ચહેરાને સુંદર બનાવતો નથી. તે આંખની આસપાસના ડાર્ક સર્કલ્સને પણ દૂર કરે છે. તે સ્કીન પરની કરચલીઓને હટાવવામાં મદદ કરે છે. આઈસ ક્યૂબ ચહેરાને ઠંડક આપે છે. ખીલથી લઈને ઓઈલી સ્કીનની અનેક સમસ્યાઓ આઈસ ક્યૂબથી દૂર કરી શકાય છે.
ગરમીમાં મદદ કરશે બટાકા આઈસ ક્યૂબ
આ રીતે કરો આઈસ ક્યૂબ તૈયાર
ગરમીમાં ચહેરાની અનેક સમસ્યાઓમાં મળશે રાહત
આ છે બટાકાના આઈસ ક્યૂબના ફાયદા
બટાકા અને આઈસ ક્યૂબ સ્કીનને અલગ અલગ રીતે ફાયદો કરે છે. આ બંનેનું મિશ્રણ એટલે કે બટાકાના આઈસ ક્યૂબ સ્કીનની અનેક સમસ્યામાંથી રાહત આપે છે.આ ફક્ત ચહેરાની સુંદરતા જ નીખારે છે એવું નથી. તે સનબર્ન, બળતરા, સોજા જેવી સમસ્યામાંથી પણ રાહત આપે છે.
કેવી રીતે બનાવશો બટાકાના આઈસ ક્યૂબ
બટાકાનો રસ કાઢો અને તેમાં થોડા ટીપાં લીંબુનો રસ મિક્સ કરો. હવે તેને આઈસ ટ્રેમાં ભરીને ફ્રિઝરમાં રાખી લો. 2 દિવસ પછી તેને બહાર કાઢો. એક વાતનું ધ્યાન રાખો કે બટાકાના આઈસ ક્યૂબને ક્યારેય ચહેરા પર સીધું ન લગાવો. તેને કોઈ રૂમાલ કે ચોખ્ખા કપડાંના ટુકડામાં લપેટીને પછી ધીરે ધીરે ચહેરા પર લગાવો. ચહેરાની સાથે ગળા પર પણ તેને ઘસતા રહો. 15-20 મિનિટ આ કામ કર્યા બાદ ઠંડા પાણીથી ચહેરો ધોઈ લો. રિઝલ્ટ તમે જાતે જ જોઈ શકશો.