શિયાળાની થોડી થોડી અસર દેખાવવા લાગી છે ત્યારે તમે તમારી સુંદરતાને માટે કોસ્મેટિક્સનો ઉપયોગ કરો તે યોગ્ય નથી. પરંતુ દરેક ઘરની રસોઈમાં ઘી સરળતાથી મળી રહે છે. તહેવાર હોય અને ભોજનમાં કેટલાક પોષણ મૂલ્યો ઉમેરવા માટે તમે ઘીનો ઉપયોગ કરો છો. તેનું થોડું પ્રમાણ પણ સ્વાદને બદલવામાં મદદ કરે છે. પણ શું તમે જાણો છો કે ઘી ફક્ત સ્વાસ્થ્ય નહીં પણ સુંદરતાને પણ નિખારે છે. ઘીથી તમે તમારી સ્કીન અને વાળ બંનેને સુંદર બનાવી શકો છો. તો જાણો કઈ રીતે ઘીની મદદથી તમે શિયાળાની સીઝનમાં પણ સુંદર દેખાઈ શકો છો.
સારા સ્વાસ્થ્ય માટે ઘી ફાયદારૂપ
ઘીના નિયમિત સેવનથી મળે છે સુંદર વાળ અને મુલાયમ સ્કીન
શિયાળાની કડકડતી ઠંડીમાં પણ ઘીથી વધે છે સુંદરતા
સ્કીનને હાઈડ્રેટ અને ચમકદાર બનાવે છે
તમારી સ્કીનને માટે ઉત્તમ મોશ્ચરાઈઝર બનવા સિવાય ઘીનો ઉપયોગ સ્કીનને હાઈડ્રેટ અને ચમકદાર બનાવવા માટે કરાય છે. શાઈનિંગ અને સોફ્ટ સ્કીનને માટે કાચા દૂધ અને બેસનની પેસ્ટમાં ઘીને મિક્સ કરી લો. તેને નિયમિત રીતે લગાવવાથી ચહેરો ચમકી જશે.
નરમ અને મુલાયમ હોઠ માટે
ફાટેલા અને ડલ લિપ્સથી હેરાન છો તો તમે ઠંડીમાં ઘીનો ઉપયોગ કરો. રાતે સૂતા પહેલાં થોડું ઘી લઈને તેને હોઠ પર લગાવી લો. સરક્યુલર મોશનમાં માલિશ કરો, રાત ભર તેને રહેવા દો. સવારે ફાટેલા હોઠને બદલે સુંદર હોઠ મળશે. રોજ આમ કરવાથી ઝડપથી લાભ મળશે.
ડલ અને ગૂંચવાયેલા વાળમાં મળશે રાહત
ઠંડીમાં લોકોના વાળ રફ અને કડક થઈ જાય છે. વાળની ચમક પાછી લાવવા માટે તમે ઘીનો ઉપયોગ કરી શકો છો. પહેલાં તેને થોડું ગરમ કરો અને તે ઠંડું થાય એટલે વાળના મૂળમાં લગાવીને 2 કલાક રહેવા દો. હવે વાળમાં શેમ્પૂ કરો. વાળમાં નવી ચમક આવશે.
સ્કીન બનાવશે ટાઈટ
થોડા પ્રમાણમાં ઘીનો ઉપયોગ તમને જવાન બનાવી રાખે છે. ઉંમર વધતાં ત્વચા ઢીલી પડે છે. ઘીના થોડા ટીપાં લો અને તેનાથી ફેસની માલિશ કરો. થોડો સમય તેને ચહેરા પર રહેવા દો. અને પછી પાણીથી ધોઈ લો. નિયમિત રીતે આમ કરવાથી ફેસની ફાઈન લાઈન્સ દૂર થાય છે અને સ્કીન ટાઈટ રહેશે.
તો જો તમે પણ ઘીથી દૂરી રાખતા હોવ તો હવે તેનાથી દોસ્તી કરી લો. તે તમારી સુંદરતા વધારવામાં તમારી મદદ કરશે. ઘીના એક નહીં અનેક બ્યૂટી બેનિફિટ્સ છે જે તમારી સુંદરતા વધારવામાં મદદ કરે છે. મોંઘા બ્યૂટી પ્રોડક્ટને વાપરવાને બદલે રસોઈની ચીજોનો ઉપયોગ કરશો તો તે વધારે લાભદાયી રહેશે.