VIDEO / સુંદર દ્રશ્યો કેમેરામાં કેદ, ભાવનગરમાં ઘાસનાં મેદાનમાં હજારોની સંખ્યામાં વિહરતા કાળિયારનો વીડિયો વાયરલ 

• કાળિયારના સુંદર દ્રશ્યો
• વિહરતા કાળિયારનો વીડિયો થયો વાયરલ
• ભાવનગર કાળિયાર રાષ્ટ્રીય ઉદ્યાનનો અદ્ભુત નજારો

ભાવનગર વેળાવદરમાં અદભૂત નજારો જોવા મળ્યો, કાળિયારના રાષ્ટ્રીય અભ્યારણમાં એક સાથે હજારોની સંખ્યામાં કાળિયાર જોવા મળ્યા આ નજરો જોઈને સૌ કોઈ મોહિત થઈ જાય તેવા દ્રશ્યો સર્જાયા સર્જાયા હતા. દ્રશ્યોમાં જોઈ શકાય છે રાષ્ટ્રીય ઉદ્યાનમાંથી એક સાથે હજારો કાળિયાર રસ્તા પરથી પસાર થઈ રહ્યા છે. 

વિહરતા કાળિયારનો વીડિયો થયો વાયરલ

મહત્વનું છે કે 1976માં કાળિયાર નેશનલ પાર્કની સ્થાપના કરવામાં આવી હતી અને તે બાદ નેશનલ પાર્કમાં આ પાર્કમાં હજારોની સંખ્યામાં કાળિયાર વસવાટ કરે છે. આ વીડિયો વેળાવદરના સરપંચ મુકેશભાઈ બારૈયા નાનાભાઈએ કેમેરામાં કેદ કર્યો હતો. વેળાવદરથી બે કિલોમીટર દૂર અભ્યારણ્યની વચ્ચેનો આ વિસ્તાર છે. જેમાં હજારોની સંખ્યામાં કાળિયાર રોડ પરથી વિહરતા કેમેરામાં કેદ થયા હતા.