IPLIN
 
  • Home
  • India
  • Beating the retreat ceremony in Delhi, 3500 indigenous drones are a sight to behold

ભારતની તાકાત / VIDEO: દિલ્હીમાં બીટિંગ ધ રીટ્રીટ સેરેમની, 3500 સ્વદેશી ડ્રોન સાથે જોવા મળ્યો આહલાદક નજારો

Team VTV 05:50 PM, 29 Jan 23 | Updated: 05:52 PM, 29 Jan 23
Follow us
Beating the retreat ceremony in Delhi, 3500 indigenous drones are a sight to behold

વિજય ચોક ખાતે ભવ્ય કાર્યક્રમ દરમિયાન નોર્થ બ્લોક અને સાઉથ બ્લોકના આગળના છેડે પ્રથમ વખત રંગબેરંગી લાઈટો દ્વારા વિવિધ આકૃતિઓ પ્રદર્શિત કરવામાં આવશે

  • પ્રજાસત્તાક દિવસની ઉજવણીને સમાપનને લઈ બીટિંગ ધ રીટ્રીટ સેરેમની
  • બીટિંગ ધ રીટ્રીટ કાર્યક્રમનું દિલ્હીમાં આયોજન
  • કાર્યક્રમમાં રાષ્ટ્રપતિ, વડાપ્રધાન નરેન્દ્ર મોદી સહિતના હાજર 
  • બીટિંગ ધ રીટ્રીટ કાર્યક્રમ દેશનો સૌથી મોટો ડ્રોન શો યોજાશે

પ્રજાસત્તાક દિવસ 2023ની ઉજવણીનું ઔપચારિક સમાપનનું પ્રતિક બીટિંગ ધ રીટ્રીટ સેરેમની દિલ્હીમાં આયોજન કરવામાં આવી રહ્યું છે. બીટીંગ રીટ્રીટ સેરેમની ભારતીય શાસ્ત્રીય સંગીત પર આધારિત ધૂનોથી ભરપૂર છે. આ દરમિયાન દેશનો સૌથી મોટો ડ્રોન શો પણ યોજાશે, જેમાં 3,500 સ્વદેશી ડ્રોન સામેલ હશે. વિજય ચોક ખાતે ભવ્ય કાર્યક્રમ દરમિયાન નોર્થ બ્લોક અને સાઉથ બ્લોકના આગળના છેડે પ્રથમ વખત રંગબેરંગી લાઈટો દ્વારા વિવિધ આકૃતિઓ પ્રદર્શિત કરવામાં આવશે.

બીટિંગ ધ રીટ્રીટ સેરેમની

દિલ્હીમાં યોજાઇ રહેલ બીટિંગ ધ રીટ્રીટ સેરેમનીમાં રાષ્ટ્રપતિ દ્રૌપદી મુર્મુ હાજર રહ્યા છે. આ સાથે વડાપ્રધાન નરેન્દ્ર મોદી અને સંરક્ષણ પ્રધાન રાજનાથ સિંહ ઉપરાંત, CDS, ત્રણેય સેનાના વડાઓ પણ સમારોહમાં હાજરી આપી હતી.

આ સાથે આર્મી, નેવી, એરફોર્સ, સ્ટેટ પોલીસ અને સેન્ટ્રલ આર્મ્ડ પોલીસ ફોર્સ (CAPFs)ના મ્યુઝિક બેન્ડ આ કાર્યક્રમમાં 29 મધુર ધૂન વગાડશે.

બીટિંગ ધ રીટ્રીટ સેરેમની ડ્રોન શો 
બીટિંગ ધ રીટ્રીટ સેરેમની દરમિયાન ડ્રોન શો ખાસ બની રહેશે. આ ડ્રોન શોનું આયોજન સ્ટાર્ટ-અપ બોટલેબ્સ ડાયનેમિક્સ દ્વારા કરવામાં આવશે. પ્રથમ વખત બીટીંગ રીટ્રીટ સેરેમની દરમિયાન નોર્થ અને સાઉથ બ્લોકના આગળના છેડે 3D એનામોર્ફિક પ્રોજેક્શનનું આયોજન કરવામાં આવશે.

દર વર્ષે 29 જાન્યુઆરીએ થાય છે બીટિંગ ધ રીટ્રીટ સેરેમની
બીટિંગ ધ રીટ્રીટ સેરેમની દર વર્ષે 29 જાન્યુઆરીએ થાય છે. પ્રજાસત્તાક દિવસની ઉજવણીનો સત્તાવાર અંત બીટિંગ ધ રીટ્રીટ સાથે થાય છે, જે વિજય ચોક ખાતે થાય છે. સાંજે સમારંભના ભાગરૂપે ધ્વજ ઉતારવામાં આવે છે. બીટીંગ ધ રીટ્રીટ દરમિયાન રાષ્ટ્રપતિ ભવન, નોર્થ બ્લોક, સાઉથ બ્લોક અને સંસદ ભવન તમામને રોશનીથી શણગારવામાં આવે છે.

ટ્રાફિક એડવાઈઝરી પણ જાહેર કરાઈ 
દિલ્હી પોલીસે પણ આ કાર્યક્રમને લઈને ટ્રાફિક માટે ચુસ્ત બંદોબસ્ત ગોઠવ્યો હતો. પોલીસે એડવાઈઝરી જાહેર કરીને કહ્યું કે, રવિવારે બપોરે 2 થી 9.30 વાગ્યા સુધી ટ્રાફિક નિયંત્રણો અમલમાં રહેશે અને વિજય ચોક ટ્રાફિક માટે બંધ રહેશે.

Beating the Retreat Ceremony બીટિંગ ધ રીટ્રીટ સેરેમની વિજય ચોક સેરેમની દિલ્હી પ્રજાસત્તાક દિવસ 2023 ડ્રોન શો
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ