બીટકોઈન કૌભાંડ મામલે ક્રાઈમ બ્રાંચે પૂર્વ ધારાસભ્ય નલિન કોટડિયાની ધરપકડ કરી છે. હાલમાં કોટડિયાના નાણાકિય વ્યવહારને લઈને CIDએ તપાસ તેજ કરી છે.
પૂર્વ ધારાસભ્ય નલિન કોટડિયા પોલીસને સહકાર આપતા નથી. નલિન કોટડિયાને 66 લાખ મળ્યા હોય તેવી CIDને આશંકા છે. હાલમાં આ મામલે CID દ્વારા તપાસ કરવામાં આવી રહી છે.
કોટડિયાને આ મામલે 35 લાખ આપવામાં આવ્યા હતા. જેમાથી કોટડિયાએ 20 લાખ એક બિલ્ડરને આપ્યા હતા. જ્યારે અન્ય 15 લાખ મામલે પણ CID તપાસ કરી રહી છે.
સાથે જ આ કેસનો વોન્ટેડ આરોપી જતીન પટેલ વિદેશી ભાગી ગયો હોય તેવી શક્યતાઓ છે. જ્યારે આરોપી દિવ્યેશ દરજીની કસ્ટડી CIDએ બેંગ્લોર પોલીસને સોંપી છે. દિવ્યેશ દરજીનુ બીટકોઈનના કેસમાં બેંગ્લોરમાં પણ ફરીયાદ થઈ છે.