ટ્વીટર પર હાલમાં એક વિડીયો ખુબ વાયરલ થઇ રહ્યો છે જેમાં બોધ મળે છે કે જો તમે પ્રાણીઓને પ્રેમ આપશો તો સામે પ્રાણીઓ પણ પ્રેમ આપે છે. એક વ્યક્તિએ રીંછનો જીવ બચાવ્યો તો સામે રીંછ પણ તે વ્યક્તિ જાણે આભાર માનતો હોય એમ તેના પગ પકડીને ઉભો રહી ગયો. હાલ આ વિડીયો સોશિયલ મીડિયામાં ખુબ ધૂમ મચાવી રહ્યો છે.
મનુષ્ય અને પ્રાણીઓ વચ્ચેનાં પ્રેમાળ સંબંધનો વિડીયો
ટ્વીટર યુઝર જૂલી મેરી કૈપીલીઓએ આ વિડીયો શેર કર્યો
સોશિયલ મીડિયામાં એક વિડીયો વાયરલ થઇ રહ્યો છે જેમાં એક વ્યક્તિએ રીંછનાં બચ્ચાને આગથી બચાવ્યો જે બાદ તે રીંછનાં બચ્ચાએ તે વ્યક્તિનાં પગ પકડી લીધા અને તેને આગળ વધતા અટકાવી દીધો. એવું લાગે છે જાણે તે આભાર માનવા ઈચ્છતો હતો. આ વિડીયો હાલ સોશિયલ મીડિયામાં લોકોને ખુબ ગમી રહ્યો છે. ટ્વીટર યુઝર જૂલી મેરી કૈપીલીઓએ આ વિડીયો શેર કર્યો છે.
નોંધનીય છે કે જંગલમાં આગ લાગી ગઈ હતી જે બાદ એક વ્યક્તિએ રીંછનાં બચ્ચાને આગથી તેનો જીવ બચાવી લીધો. જે બાદ તે રીંછે તે વ્યક્તિનાં પગ પકડી લીધા અને કુદકો મારીને હાથ પણ પકડ્યા. તે માણસ પણ તે રીંછનાં બચ્ચા સાથે જાણે કોઈ સંબંધ બંધાઈ ગયો હોય એમ તેની સાથે જ ખુબ સમય વિતાવ્યો.
વિડીયો સોશિયલ મીડિયામાં છવાઈ ગયો
જુલીએ આ વિડીયોના કેપ્શનમાં લખ્યું છે 'રીંછનાં બચ્ચાને આગથી બચાવવામાં આવ્યું. બાદમાં બચ્ચાએ તે વ્યક્તિને જવા જ દીધો'. વિડીયો સોશિયલ મીડિયામાં છવાઈ ગયો છે જે તમે પણ પસંદ કરશો. ટ્વીટર પર આ વિડીયો એક જાન્યુઆરીએ શેર કરવામાં આવ્યો જે બાદ 68 હજારથી વધારે તથા યુઝર્સ તરફથી આ વિડીયોને ખુબ પ્રેમ મળી રહ્યો છે.