ઉત્તરાયણનો તહેવાર આનંદ ઉલ્લા સાથે લોકો ઉજવતા હોય છે. ત્યારે ચાઈનીઝ દોરી પર પ્રતિબંધ હોવા છતાં લોકો ચાઈનીઝ દોરીનો ઉપયોગ કરતા હોઈ ચાઈનીઝ દોરીના લીધે લોકોને જીવ ગુમાવવાનો વારો આવે છે.
નડિયાદમાં પતંગની દોરીથી યુવકનું ગળું કપાતા મોત
ગંભીર ઇજાગ્રસ્ત યુવકનું સારવાર દરમિયાન મૃત્યુ
દાહોદમાં ચાઈનીઝ દોરીને કારણે યુવકને ઈજા
વાહનચાલક યુવકને મોઢાના ભાગે 14 ટાંકા લેવાયા
ઉત્તરાયણનો તહેવાર આનંદ ઉલ્લાસ સાથે લોકો ઉજવતા હોય છે. ત્યારે ચાઈનીઝ દોરી પર પ્રતિબંધ હોવા છતાં લોકો ચાઈનીઝ દોરીનો ઉપયોગ કરતા હોઈ ચાઈનીઝ દોરીના લીધે લોકોને જીવ ગુમાવવાનો વારો આવે છે. નડિયાદમાં પતંગની દોરી વાગતા એક યુવકનું ગળું કપાતા મોત નિપજવા પામ્યું હતું. ત્યારે સરદારનગરના પ્રવેશદ્વાર નજીક દોરી વાગી હોવાનું જાણવા મળી રહ્યું છે. ત્યારે ધાયલને સારવાર અર્થે હોસ્પિટલ લઈ જવામાં આવ્યા હતો. જ્યાં વિપુલ ઠક્કર નામના યુવકનું સારવાર દરમ્યાન મોત નિપજ્યું હતું.
દાહોદમાં વાહન ચાલકને ઈજા પહોંચતા સારવાર અર્થે ખસેડાયો
જ્યારે અન્ય એક બનાવ દાહોલમાં બનવા પામ્યો હતો. જેમાં દાહોદમાં મુવાલીયા ક્રોસિંગ પર એક્ટિવા ચાલકને મોઢાના ભાગે ચાઈનીઝ દોરી વાગતા તેને તાત્કાલીક સારવાર અર્થે ખસેડવામાં આવ્યો હતો. ત્યારે યુવકને મોં ના ભાગે દોરી વાગતા તેને 14 ટાંકા લેવામાં આવ્યા હતા ત્યારે અન્ય એક બનાવમાં મોટી સારસીથી ગોધરા જતા રોડ પર યુવકને ઈજા પહોંચી હતી. ત્યારે ઈજાગ્રસ્ત યુવકને સારવાર અર્થે હોસ્પિટલમાં દાખલ કરવામાં આવ્યો હતો. જ્યાં હાલ તેની સારવાર ચાલી રહી છે.
વડોદરામાં ચાઇનીઝ દોરીના કારણે વધુ એક યુવાને ગુમાવ્યો જીવ
વડોદરામાં ચાઇનીઝ દોરીના કારણે વધુ એક યુવાને જીવ ગુમાવ્યો છે. રણોલીમાં રહેતા યુવકનું ચાઇનીઝ દોરીથી ગળું કપાતા મૃત્યુ થયો છે. સમા કેનાલ રોડ પર યુવક બાઈક પર જતો હતો તે સમયે બની આ દુર્ઘટના બની હતી. વિશાલ ઠાકોર નામના યુવાનનું ચાઇનીઝ દોરીથી ગળું કપાઈ જતાં મોત થતા સમગ્ર પંથકમાં ચકચાર મચી જવા પામ્યું છે. બે દિવસ પહેલા પણ નવાપુરામાં ચાઇનીઝ દોરીના કારણે હોકી પ્લેયરનું મોત થયું હતું
સુરત પણ યુવાનને જીવ ગુમાવવાનો વારો આવ્યો હતો
સુરતના કામરેજમાં પતંગની દોરીના કારણે શ્રમજીવી યુવક રાજુ પટેલનું ગળુ કપાઈ જતા તેનું મૃત્યુ થયુ હતું. કામરેજ ચાર રસ્તા પાસેથી પસાર થતા સમયે પંતગની દોરીથી યુવકનું ગળુ કપાયુ હતુ. જેથી યુવકને ગળાના ભાગે ગંભિર ઈજાઓ થતા તેનું ઘટના સ્થળે જ મૃત્યુ થયુ હતુ. મૃતક રાજુ પટેલ લુમ્સના કારખાનામાં કામ કરતો હતો બીજી તરફ પતંગની દોરીના કારણે એક બાઈક ચાલકને પણ ગંભીર અકસ્માત નડ્યો હતો. ઘટનાને પગલે તંત્ર પર સવાલ ઉઠી રહ્યા છે કેમકે પ્રતિબંધ હોવા છતાં ચાઇનીઝ દોરીનું વેચાણ કેવી રીતે થઈ રહ્યુ છે ?
અમદાવાદમાં ચાઈનીઝ દોરીથી એક કિશોર ઈજાગ્રસ્ત થયો હતો
અમદાવાદમાં ચાઈનીઝ દોરીથી એક કિશોર ઈજાગ્રસ્ત થયો હતો. ગળાના ભાગે દોરી વાગતા કિશોરને થઇ ઇજા પહોંચી છે. ટુ વ્હીલર પર આગળ કિશોર બેઠો હતો. જમાલપુર રિવરફ્રન્ટ રોડથી પસાર થતી વખતે આ દૂર્ઘટના સર્જાઈ છે. ઉત્તરાયણ નજીક આવતા જ દોરી વાગવાના કિસ્સાઓ વધી રહ્યાં છે. ચાઈનીઝ દોરી લોકો માટે જીવલેણ બની છે.