હવે આધાર કાર્ડ સાથે પાન કાર્ડ લિંક કરવું ફરજીયાત છે સરકારે આ માટે સમય આપ્યો હતો જે પૂરો થતા દંડ સાથે આ તારીખ 30 જુન 2022 કરી હતી. આ પછી દંડની રકમ બમણી કરવામાં આવશે.
પાન સાથે આધાર લિંક નહિ હોય તો ઘણા કામો અટકી જશે
30 જુન પછી આધાર પાન લિંક કરવા પર 1000 નો દંડ વાશુલાશે
લેટ ફી Challan No ITNS 280 દ્વારા ચૂકવી શકો છો
પાન સાથે આધાર લિંક કરવું ફરજીયાત
શું તમે તમારા પાન કાર્ડને આધાર સાથે લિંક કર્યું છે ? જો ન કર્યું હોય તો તરત જ કરી લેજો નહીંતર બમણો દંડ ભરવો પડી શકે છે. પાનને આધાર કાર્ડ સાથે લિંક કરવાની છેલ્લી તારીખ 31 માર્ચ 2022 ના રોજ કરવામાં આવી હતી. ત્યારબાદ તેને દંડ સાથે 30 જૂન, 2022 સુધી લંબાવવામાં આવી હતી.
લેટ ફી થશે 1000 રૂપિયા
હવે 30 જૂનની છેલ્લી તારીખ પણ આ મહિને પૂરી થશે. તે પછી, તમારે બમણો દંડ ભરવો પડશે. 31 માર્ચ બાદ 500 રૂપિયાની લેટ ફી લગાવવામાં આવી હતી. એટલે કે જો તમે 30 જૂને પાન અને આધાર લિંક નહીં કરો તો તમારે 1000 રૂપિયાનો દંડ ભરવો પડશે. તમે આ લેટ ફી Challan No ITNS 280 દ્વારા ચૂકવી શકો છો.
પાન-આધાર કાર્ડ લિંક ન કરવાના ઘણા ગેરફાયદા
હવે આધાર પાનને લિંક કરવું ફરજિયાત કરી દેવામાં આવ્યું છે. આમ ન થવા પર પાન કાર્ડ બંધ થઈ જશે. એવું નથી કે આ સમસ્યા પાન કાર્ડ બંધ થાય ત્યાં સુધી જ ચાલશે. તમારી સમસ્યા વધુ વધશે. તમે ડિમેટ એકાઉન્ટ ખોલી શકશો નહીં, તમે બેંક એકાઉન્ટ ખોલી શકશો નહીં અથવા મ્યુચ્યુઅલ ફંડમાં નાણાં રોકવા માટે એકાઉન્ટ શરૂ કરી શકશો નહીં.
પાનકાર્ડને લગતી સુવિધા થશે બંધ
આધાર અને પાન કાર્ડને લિંક કરવા પર પાન બંધ થઈ જશે. એટલે કે પાન કાર્ડની જરૂર હોય તેવી કોઈ સુવિધાનો તમે લાભ નહીં લઈ શકો અને હવે લગભગ તમામ જગ્યાએ પાનકાર્ડ ફરજિયાત કરી દેવામાં આવ્યું છે. તો જો તમે હજુ સુધી આ કામ નથી કર્યું તો તરત જ આધારને પાન સાથે લિંક કરાવી લો.
કેવી રીતે લિંક કરવું
તમે નીચે આપેલી પદ્ધતિને અનુસરીને તમારા પાન અને આધારને ઓનલાઇન લિંક કરી શકો છો:
તમારા પાન અને આધારને લિંક કરવા માટે આવકવેરા ફાઇલિંગ વેબસાઇટની મુલાકાત લો
ફોર્મમાં તમારો પાન અને આધાર નંબર દાખલ કરો
તમારા આધાર કાર્ડ મુજબ તમારું નામ દાખલ કરો
જો તમારા આધાર કાર્ડમાં ફક્ત તમારા જન્મ વર્ષનો જ ઉલ્લેખ છે, તો તમારે બોક્સમાં સાચાંની નિશાની ક્લિક કરવી પડશે
હવે ચકાસણી માટે ઇમેજમાં ઉલ્લેખિત કેપ્ચા કોડ દાખલ કરો
“Link Aadhaar” બટન પર ક્લિક કરો
તમે એક પોપ-અપ સંદેશ જોશો કે તમારું આધાર તમારા પાન સાથે સફળતાપૂર્વક લિંક થઈ ગયું
દૃષ્ટિહીન વપરાશકર્તાઓ ઓટીપી માટે વિનંતી કરી શકે છે જે કેપ્ચા કોડને બદલે રજિસ્ટર મોબાઇલ નંબર પર OTP મોકલવામાં આવશે