કારોબાર / તૈયારી રાખજો, દર મહિને હવે હોમ લોનનો હપ્તો આટલો વધી જશે, RBI ગવર્નરે કહ્યું મોંઘવારી વિશ્વભરમાં

• RBIનો ચોંકાવનારો નિર્ણય
• રેપો રેટમાં કર્યો 40 બેસિસ પોઈન્ટનો વધારો
• હોમ લોનમાં દર મહિને આવશે 1000 રુપિયાનો વધારો

RBIએ આજે ​​એક ચોંકાવનારો નિર્ણય લીધો છે. સેન્ટ્રલ બેંકે રેપો રેટમાં 40 બેસિસ પોઈન્ટના વધારાની જાહેરાત કરી હતી. તેને ચારથી વધારીને 4.4 ટકા કરવામાં આવ્યો છે. આરબીઆઈના ગવર્નર શક્તિકાંત દાસે આજે એક નિવેદનમાં આની જાહેરાત કરી હતી.તેમનું નિવેદન એવા સમયે આવ્યું છે જ્યારે ફુગાવો તેની ટોચ પર છે અને આરબીઆઈની નિર્ધારિત મર્યાદાથી ઉપર છે. એપ્રિલમાં આરબીઆઈએ મોનેટરી પોલિસીમાં પોલિસી રેટમાં કોઈ ફેરફાર કર્યો ન હતો. માર્ચમાં દેશમાં છૂટક મોંઘવારી 17 મહિનાની ટોચે પહોંચી હતી. ખાદ્યપદાર્થો અને ઉત્પાદિત માલસામાનના ભાવમાં તીવ્ર વધારોને કારણે થયો છે.

Governor says that RBI had announced intention to withdraw accomodative stance

— Press Trust of India (@PTI_News) May 4, 2022

કેટલો વધશે હોમ લોનનો હપ્તો 
RBIના વ્યાજદરમાં વધારાની અસર હવે તમારી લોન EMI પર પણ પડશે. જો બેંકો પણ આ 0.4% નો વધારો તેમના ગ્રાહકોને આપે તો 50 લાખની લોન લેનાર વ્યક્તિના EMI પર દર મહિને 1196 રૂપિયાનો વધારો થશે. તમે આ રીતે પણ સમજી શકો છો કે ધારો કે તમે 20 વર્ષ માટે 50 લાખ રૂપિયાની લોન લીધી છે. વર્તમાન દર 6.7% છે. તમારી EMI રૂ. 37,870 છે. પરંતુ જો તમારી બેંક પણ આ વધારો તમારા સુધી લંબાવે તો તમારી લોનનો દર વધીને 6.95% થઈ જશે. આ રીતે તમારી EMI વધીને 39,066 થઈ જશે. આ રીતે તમારે દર મહિને 1196 રુપિયા વધારાના ચુકવવા પડશે. 

Shortages, volatility in commodities and financial markets are becoming more acute: RBI Governor Shaktikanta Das

— Press Trust of India (@PTI_News) May 4, 2022

ફુગાવા વિશે શું કહ્યું આરબીઆઈ ગર્વનરે 
આરબીઆઈના ગવર્નર શક્તિકાંત દાસે કહ્યું કે સમગ્ર વિશ્વભરમા મોંઘવારી છે. તેમણે કહ્યું કે ફુગાવાનો દર છ ટકાની લક્ષ્યની ઉપલી મર્યાદાથી ઉપર રહ્યો છે. એપ્રિલ મહિનામાં પણ તે ઊંચો રહેવાની શક્યતા છે. માર્ચમાં છૂટક ફુગાવો 6.9 ટકા હતો. રિઝર્વ બેંકે ઓગસ્ટ 2018 પછી પહેલીવાર પોલિસી રેટમાં વધારો કર્યો છે. દાસે જણાવ્યું હતું કે નાણાકીય નીતિ સમિતિ (MPC) ની બેઠકમાં, જે નિશ્ચિત સમયપત્રક વિના યોજાઈ હતી, તમામ છ સભ્યોએ સર્વસંમતિથી નીતિ દરમાં વધારો કરવાનો નિર્ણય લીધો હતો.

આરબીઆઈએ રેપો રેટમાં કર્યો 40 બેસિસ પોઈન્ટનો વધારો
ઉલ્લેખનીય છે કે આરબીઆઈએ રેપો રેટમાં અચાનક 40 બેસિસ પોઈન્ટનો વધારો કર્યો છે. આને કારણે હોમ અને કાર લોન મોંઘી થશે.