સાણંદમાં તળાવ પાસે રમતા રમતા એક બાળક તળાવમાં ડૂબી જતા મોત નિપજ્યું હતું. બીજા બનાવમાં વડોદરામાં કેનાલ પરથી સેલ્ફી વખતે યુવક કેનાલમાં પડ્યો હતો. જેનો મૃતદેહ આજે મળી આવ્યો છે.
સાણંદ ખાતે આંબા તળાવમાં બે બાળકો ડુબ્યા
રમતા- રમતા બાળકો તળાવમાં ડુબ્યા
એક બાળકનુ મોત બીજા બાળકની શોધખોળ હાથ ધરાઇ
બે દિવસ અગાઉ કેનાલમાં ખાબક્યા હતો યુવાન
વડોદરામાં કેનાલ પર સેલ્ફી લેતા સમયે બની હતી ઘટના
સાણંદ ખાતે આવેલ એક તળાવ પાસે આજે બપોરના સુમારે બે બાળકો રમતા હતા. તે દરમ્યાન અચાનક એક બાળક રમતા રમતા તળાવમાં પડી ગયો હતો. જે બાબતે ગ્રામજનોને જાણ થતા બાળકની શોધખોળ હાથ ધરી હતી. બાળક ડૂબ્યા અંગેની જાણ ગ્રામજનોને થતા તળાવનાં કિનારે ગ્રામજનોનાં ટોળા ઉપમટ્યા હતા.
એક બાળકની લાશ મળી આવી, બીજાની શોધખોળ ચાલુ
સાણંદ ખાતે આંબા તળાવ પાસે બે બાળકો રમી રહ્યા હતા. ત્યારે અચાનક રમતા રમતા એક બાળક તળામવમાં પડી ગયો હતો. જેની જાણ ગ્રામજનોને થતા ગ્રામજનોએ ઘટના સ્થળે પહોંચી બાળકની શોધખોળ હાથ ધરી હતી. ત્યાર બાદ પણ બાળક ન મળી આવતા ફાયર ફાઈટરને જાણ કરતા ફાયર ફાઈટરના કર્મચારીઓ ઘટના સ્થળે પહોંચી બાળકને શોધવાની તજવીજ હાથ ધરી હતી. ત્યારે તળાવમાંથી એક બાળકની લાશ મળી આવી હતી. જ્યારે બીજા બાળકની શોધખોળ ચાલુ છે.
સેલ્ફી લેતા કેનાલમાં પડેલ યુવકનો મૃતદેહ બે દિવસ બાદ મળ્યો
વડોદરામાં સેલ્ફીના ચક્કરમાં છાણી કેનાલમાં યુવક ખાબકવાનો બનાવ બન્યો છે. સેલ્ફી લેતા લેતા અચાનક દેર મોરે કેનાલમાં પડતા લાપતા થયો હતો. ત્યારે બે દિવસ અગાઉ યુવાન કેનાલમાં ખાબક્યો હતો. ત્યારે બે દિવસ બાદ પંચવટી કેનાલ પાસેથી યુવક દેવ મોરેનો મૃતદેહ મળ્યો હતો. કેનાલમાં સેલ્ફી લેતા સમય ઘટના બની હતી.