શહેરમાં ઇન્સ્યોરન્સ પોલિસી આપવાને બહાને લાખો રૂપિયાનું ચીટિંગ કરતાં કોલ સેન્ટરનો સાયબર ક્રાઇમે પર્દાફાશ કર્યો છે. સાયબર ક્રાઈમે 19 લોકોની દિલ્હીથી ધરપકડ કરી. આ ટોળકીએ કરોડો રુપિયાનું ચીટિંગ કર્યું હોવાની પોલીસને આશંકા છે. મે મહિનામાં સાબયર ક્રાઇમમાં ૩૭ કલાકનાં ચીટિંગની ફરિયાદ નોંધી હતી. જેમાં તેમને ચાર મહિના બાદ સફળતા મળી છે.
દિલ્હીથી પકડાયેલી આ ગેંગ પહેલા અમદાવાદમાં કોલ સેન્ટર ચલાવી હતી
37 લાખનું ચીટિંગ થયું હતું
ઇન્સ્યોરન્સ પોલિસી આપવાનાં બહાને શહેરનાં એક નાગરિક પાસે ૩૭ લાખ રૂપિયાનું ચીટિંગ થયું હતું. જેમાં મે મહિનામાં સાયબર ક્રાઇમે ગુનો દાખલ કરીને તપાસ શરૂ કરી હતી. નાગરિકને જે નંબર પરથી કોલ આવ્યો હતો તેની ઊંડાણપૂર્વક તપાસ કરતાં આ ગેંગ દિલ્હીની હોવાનું જાણવાં મળ્યુ હતું. છેલ્લાં ઘણાં સમયથી સાયબર ક્રાઇમની ટીમે વોચ ગોઠવી હતી.
પોલીસે વોચ ગોઠવી 19 આરોપીઓ પકડ્યાં
પોલીસે લાંબા સમયથી વોચ ગોઠવ્યાં બાદ ગઇ કાલે રેડ કરી હતી. રેડ દરમિયાન એક સાથે ૧૯ આરોપીઓની ધરપકડ કરી હતી. આરોપીમાં કેટલીક યુવતીઓ હોવાનું પણ ચર્ચાઇ રહ્યુ છે. પોલીસને શંકા છેકે આ ગેંગે કરોડો રૂપિયાની ચીટિંગ આચર્યું હોઇ શકે છે.
આરોપીઓ પહેલા અમદાવાદમાં કોલ સેન્ટર ચલાવતાં હતા
અમદાવાદમાં પહેલાં વિદેશી નાગરિકો સાથે ચીટિંગ કરવાનાં કોલ સેન્ટર ચાલતાં હતાં. એ સિવાય ક્રેડિટ કાર્ડ અને ડેબિટ કાર્ડના નંબર લઈને ઓટીપી મેળવીને ચીટિંગ થતું હતું. પોલીસની ધોંસ વધતાં હવે લોકોએ ગુજરાત બહાર ધામાં નાખ્યાં છે. કોલ સેન્ટર ચલાવતાં ચીટર હવે અન્ય રાજ્યોથી ઓપરેટ કરી રહ્યાં છે.