શરીરમાં કોઈપણ તકલીફ થાય તે પહેલાં આપણું શરીર કેટલાક સંકેત આપે છે. મોટી બીમારી થાય એ પહેલાં પણ શરીરમાં કેટલીક નાની નાની સમસ્યાઓ થવા લાગે છે. જેથી આવા ફેરફારો પર તરત જ ધ્યાન આપવું જોઈએ. ચાલો જાણીએ તેના વિશે.
શરીરમાં આ ફેરફાર થાય તો આપો ધ્યાન
આવી સમસ્યાઓ આગળ જતાં ગંભીર બની શકે છે
મોટી તકલીફથી બચવા જાણી લો આ વાત
આપણા શરીરમાં કોઈ તકલીફ હોય તો ઘણીવાર કેટલાક લક્ષણો જોવા મળે છે. તેનુ કારણ આપણે સમજી શકતા નથી. ઘણીવાર ઉંમરના કારણે તેમજ હોર્મોન્સ ચેન્જ થતા કેટલાક ફેરફારો થાય છે. આ બધાનું એક કારણ વિટામીનની ઉણપ પણ હોઇ શકે છે. કોઇ વિટામીનની ઉણપથી તમને એવા લક્ષણો જોવા મળે છે જેને તમે ક્યારેક સામાન્ય સમજતા હો. જો તમારા શરીરમાં નીચેના લક્ષણો જોવા મળે તો તમારે વિટામિનનો ટેસ્ટ અવશ્ય કરાવવો જોઇએ.
વાળ ખરવા
નાની ઉંમરમાં વાળ ખરવાનું કારણ પોષકતત્વોની કમી છે. તેમાં આયરન, વિટામીન બી 3 અને વિટામીન બી7ની કમી જવાબદાર છે. લીલા પાંદડાવાળા શાકભાજી, નટ્સ, આખા અનાજ અને સીઝનલ ફ્રુટ્સ ખાઓ.
મોંનુ અલ્સર
વિટામીન બી અને આયરનની કમીથી મોંનું અલ્સર થાય છે. તેના કારણે રોગીઓને બેવડી માત્રામાં આયરનની જરુર પડે છે. આવા લોકોએ લીલા શાકભાજી, નટ્સ, દૂધ, ફળ, બીટ વધુ પ્રમાણમાં ખાવું જોઇએ.
પગમાં બેચેની લાગવી
રેસ્ટલેસ લેગ સિંડ્રોમ લોહીમાં આયરનની કમીના કારણે થાય છે. પ્રેગનન્સીમાં પણ સમસ્યા થઇ શકે છે. આ માટે લીંબુ, દાડમ, સફરજન, આંબળા, પાલક, અંજીર, અખરોટ, ગોળ અને તલ ખાવા જોઇએ.
દાંતમાંથી લોહી નીકળવું
વિટામીન સીની કમી હોય તો દાંતમાંથી લોહી આવવું, માંસપેશીઓ નબળી પડવી અને થાક લાગવો જેવી સમસ્યાઓ થાય છે. ઇમ્યુનિટી ઘટે છે અને એન્ટીઓક્સિડન્ટની કમીથી સેલ્સ ડેમેજ થાય છે. આ માટે સંતરા, કીવી, સીઝનલ ફ્રુટ્સ, સ્પાઉટ્સ, વટાણા, બીન્સ, લીંબુ અને ટામેટા ખાવા જોઇએ.
નખનો રંગ બદલાવો
વિટામીન બી7 (બાયોટીન)થી શરીરને ઉર્જા મળે છે. તેની કમીથી નખ નબળા પડે છે અને રંગ બદલાય છે. આ માટે નટ્સ, પાલક અને કઠોળ, સાબૂત અનાજ ખાવા જોઇએ.