ક્રિપ્ટો કરન્સીમાં મોટા વળતરની લાલચ આપી અડાજણના વેપારી સાથે 20 લાખની છેતરપિંડી કરતાં આરોપીને પોલીસે મુંબઈથી ઉઠાવી લીધો છે.
ક્રિપ્ટો કરન્સીમાં મોટા વળતરની લાલચે વેપારીએ ગુમાવ્યા 20 લાખ રૂપિયા
પોલીસે આરોપીને મહારાષ્ટ્રથી ઝડપી પડ્યો
છેતરપિંડી કરેલી 100 ટકા રકમ બેંક એકાઉન્ટમાં ફ્રીઝ કરાવી
ક્રિપ્ટો કરન્સીમાં રોકાણ બાદ સારા વળતાંરની લાલચ આપી આરોપીઑએ અડાજણના વેપારીને 20 લાખનો ધુમ્બો માર્યો હતો આ અંગેની ફરિયાદ નોંધાયા બાદ પોલીસે આરોપીને મહારાષ્ટ્રથી ઝડપી પાડવામાં આવ્યો છે. પોલીસે આરોપીએ છેતરપિંડી કરેલી 100 ટકા રકમ બેંક એકાઉન્ટમાં ફ્રીઝ કરાવી છે.
સસ્તા ભાવે ક્રિપ્ટો મેળવવાની લાલચમાં વેપારી ફસાયો
ક્રિપ્ટો કરન્સીમાં રોકાણ કરવાની લાલચમાં અડાજણના વેપારીએ 20 લાખ રૂપિયા ગુમાવ્યા હતા. વેપારી અહમદ રઝા મોહમદ યાસીન પટેલ હયાઝ સ્ટુડીયો નામથી કાપડ લે-વેચનો ધંધો કરે છે. વેપારી 18 જુનના રોજ ટેલીગ્રામમાં ક્રિપ્ટોબીઝ ઍક્ષ્ચેન્જ નામના ગ્રુપમાં જોઈન્ટ થયા હતા. ત્યારબાદ તેને ગ્રુપમાં આવેલી જાહેરાતના નંબર પર વેપારીએ ફોન કરતા તે સસ્તા ભાવે ક્રિપ્ટો મેળવવાની લાલચમાં વેપારી આવી ગયો.
વેપારીએ ક્રિપ્ટો માટે કરાવ્યા ટુકડે ટુકડે 29.50 લાખ ટ્રાન્સફર
વેપારીએ ક્રિપ્ટો કરન્સી લેવા ટુકડે ટુકડે કરી 29.50 લાખ ટ્રાનસફર કર્યા હતા બાદ વેપારીની સાથે તેના ભાઈએ તેના બેંક એકાઉન્ટમાંથી 21 જૂન 2021 ના રોજ આ રકમ ટ્રાન્સફર કરી હતી. ત્યારબાદ વેપારીના વોલેટમાં 9.50 લાખના યુઍસડીટી કોઈન જમા થયા હતા જો કે બાકીના 20 લાખના કોઈન જમા થયા ન હતા. તેથી વેપારીએ ફરીથી કંપનીને ફોન આરોપીઑએ ફોન ઉપાડવાનું માંડી વળ્યું હતું અને ત્યારબાદ વેપારીને પોતે છેતરાયો હોવાનો અહેસાસ થતા તેને આ બાબતે સાયબર ક્રાઇમમાં ફરિયાદ નોંધાવી હતી.
આરોપીને મુંબઈથી પકડી પાડતી સાયબર ક્રાઈમ પોલીસ
વેપારીની ફરિયાદ બાદ સુરત સાયબર ક્રાઇમની ટીમ દ્વારા ટેકનિકલ સર્વેલંસના આધારે તપાસ કરતા આ પ્રકારણમાં આરોપી અહેમદ ગુલાલ દલની સંડોવણી ખૂલવા પામી હતી આથી સાયબર ક્રાઈમ દ્વારા આરોપીને મુંબઈથી પકડવામાં આવ્યો છે અને તેની પાસેથી 1 મોબાઈલ જપ્ત કરવામાં અવ્યો છે. આ ઉપરાંત અલગ અલગ ચાર બેંકના એકાઉન્ટમાં રહેલા 60.73 લાખ રૂપિયા પોલીસે ફ્રીઝ કરાવ્યા છે. વધુમાં પોલીસે રાહુલ રાઠોડ અને ઓમકાર નામના બે આરોપીને વોન્ટેડ જાહેર કર્યા છે. પોલીસની પૂછપરછમાં સામે આવ્યુ હતું કે આરોપી ક્રિપ્ટો કરન્સીમાં ઇન્વેસ્ટમેન્ટ કરાવી સારું વળતર મળશે તેવી લાલચ આપીને લોકો પાસેથી ઇન્વેસ્ટમેન્ટ કરાવતા હતા. મહત્વની વાત છે કે આરોપીએ જે પણ રકમની છેતરપિંડી કરી હતી તેમાં પોલીસે 100 ટકા રકમ આરોપીના એકાઉન્ટમાં ફ્રિજ કરાવી હતી.