એપ ડાઉનલોડ થયા બાદ સ્કેમર્સે મહિલા પાસેથી કેટલીક વિગતો માંગી અને પછી તેને 10 રૂપિયાનું ટ્રાન્ઝેક્શન કરવાનું કહ્યું. સ્કેમર્સે ઘણી વખત કોલ ડિસ્કનેક્ટ કર્યો અને પીડિતાને તેના પર્સનલ નંબર પરથી ફોન કર્યો
ગૂગલ પર કસ્ટમર કેર નંબર સર્ચ કર્યો,એકાઉન્ટમાંથી 8 લાખથી વધુ રુપિયા ઉપડી ગયા
IFB ડિશવોશરની સર્વિસ માટે કસ્ટમર કેર નંબર ગૂગલ પર સર્ચ કર્યો હતો
હવે આ નંબર બંધન બેંકના કસ્ટમ કેયર નંબર તરીકે બતાવે છે
Fake Customer Care Online Fraud: સ્માર્ટફોન અને ઈન્ટરનેટના ઉપયોગે આપણી જિંદગીને ખૂબ જ સરળ બનાવી દિધી છે પરંતુ તેની સાથે જ ઓનલાઈન છેતરપિંડીના કેસ પણ ઝડપથી વધી રહ્યા છે. હાલનો એક કેસ નોઈડાનો છે જ્યા ઓનલાઈન ફ્રોડના કારણે લાખો રુપિયાનું નુકસાન થયું છે. આ વ્યક્તિની ભૂલ એટલી હતી કે તેણે જાણકારી માટે ગૂગલ પર કસ્ટમર કેર નંબર સર્ચ કર્યો હતો અને બાદમાં એકાઉન્ટમાંથી 8 લાખથી વધુ રુપિયા ઉપડી ગયા હતા.
ઘણી વખત એવું બને છે કે જ્યારે પણ આપણે કોઈ બેંક કે કંપનીના કસ્ટમર કેર નંબરની જરૂર પડે છે ત્યારે આપણે ગૂગલ પર સર્ચ કરીએ છીએ અને જે નંબર મળે છે તેના પર કોલ કરીએ છીએ. નોઈડામાં પણ વ્યક્તિ દ્વારા આવી જ ભૂલ થઈ હતી. છેતરપિંડીનો ભોગ બનનાર વ્યક્તિ સીનિયર સિટિજન છે. તેઓ પોતાના ડિશવોશર માટે ગૂગલમાં કસ્ટમર કેરનો નંબર શોધી રહ્યા હતા. પીડિત કપલ નોઈડા સેક્ટર 133ના રહેવાસી છે. છેતરપિંડીનો આ આખો મામલો 22 જાન્યુઆરી 2023નો છે.
આ કંપનીનો નંબર શોધી રહ્યાં હતા પીડિત
છેતરપિંડી બાદ પીડિતે પોલીસમાં ફરિયાદ નોંધાવી છે. એફઆઈઆરમાં નોંધાયેલી માહિતી અનુસાર અમરજીત સિંહ અને તેમની પત્ની IFB ડિશવોશરની સર્વિસ માટે કસ્ટમર કેર નંબર ગૂગલ પર સર્ચ કરી રહ્યા હતા. તેમના પત્નીને ઓનલાઈન સર્ચમાં 1800258821 નંબર મળ્યો. આ નંબર IFB કસ્ટમર કેરના નામે હતો.
સ્કેમર્સે ડાઉનલોડ કરાવી આ એપ
છેતરપિંડીનો કેસ થયા પછી તેને ફરીથી ચેક કરવામાં આવતા તે હવે બંધન બેંકનો કસ્ટમ કેયર નંબર તરીકે બતાવે છે. પીડિતે જણાવ્યું કે જ્યારે તેમના પત્નીએ આ નંબર પર કોલ કર્યો તો એક મહિલાએ કોલ રિસીવ કર્યો અને તેના સિનિયરને કોલ કનેક્ટ કરવા કહ્યું હતું. ત્યારબાદ સિનિયરે તેની પત્નીને ફોન પર AnyDesK એપ ડાઉનલોડ કરવાનું કહ્યું હતું.
10 રુપિયાનું ટ્રાન્જેક્શન કરવાનું કહ્યું
એપ ડાઉનલોડ થયા બાદ સ્કેમર્સે મહિલા પાસેથી કેટલીક વિગતો માંગી અને પછી તેને 10 રૂપિયાનું ટ્રાન્ઝેક્શન કરવાનું કહ્યું. સ્કેમર્સે કહ્યું કે આ ટ્રાન્ઝેક્શન પછી તમારી ફરિયાદ નોંધવામાં આવશે. આ સમગ્ર પ્રક્રિયા દરમિયાન સ્કેમર્સે ઘણી વખત કોલ ડિસ્કનેક્ટ કર્યો અને પીડિતાને તેના પર્સનલ નંબર પરથી ફોન કર્યો. આ જ દિવસે પીડિતને મેસેજ મળ્યો કે તેમના ખાતામાંથી 2.25 લાખનું ટ્રાન્ઝેક્શન થયું છે. બીજા દિવસે સવારે બીજો મેસેજ આવ્યો કે ખાતામાંથી 5.99 લાખનું ટ્રાન્ઝેક્શન થયું છે.