સતર્ક રહેજો / બાળકને એકલું મુકતા પહેલા સાવધાન! સુરત-જેતપુરમાં બન્યા ચેતવણીરૂપ કિસ્સા

રાજયમાં માતા-પિતા માટે લાલબત્તી સમાન બે ઘટનાઓ સામે આવી છે. પહેલી ઘટના સુરતની છે. અહીં એક બાળક રમતા-રમતા ટાંકણી ગળી ગયો હતો. ટાંકણી ગળ્યા બાદ બાળકને ખાંસી આવવા લાગી હતી. ઇએનટી વિભાગે ચેક કરતા બાળક ટાંકણી ગળી ગયો હોવાનું સામે આવ્યું હતું. ડોક્ટર્સે ઓપરેશન કરી બાળકના ગળામાં ફસાયેલી ટાંકણી બહાર કાઢી હતી.

બાળકનું ઓપરેશન દુરબીનની મદદથી કરવામાં આવ્યું હતું. બાળકનું ઓપરેેશન સફળ રીતે પાર પાડતા તેના પરિવારજનોએ રાહતનો શ્વાસ લીધો હતો.. જો કે આ કિસ્સો નાનુ બાળક ધરાવતા તમામ મા-બાપ માટે લાલબત્તી સમાન છે.

આ પણ વાંચોઃ રાજકોટના યુવકે વિશ્વની ફલક પર વગાડ્યો ડંકો, કામ જ એવુ કર્યું કે WHO, NASA ગદગદ થયું

મા-બાપ માટે ચેતવણી સમાન આવોજ બીજો એક કિસ્સો જેતપુરમાં સામે આવ્યો. જો કે દુખની વાત એ છે કે આ કિસ્સામાં બાળકનો જીવ બચાવી ન શકાયો..અહીંંના ધોરાજી રોડ પર આવેલી જલારામનગર સોસાયટીમાં એક બાળક ઘરના આંગણામાં રમતા-રમતા પાણીની ટાંકીમાં પડી ગયુ હતું.. બાળકની ખુબ શોધખોળ કર્યા બાદ તેનો મૃતદેહ પાણીની ટાંકીમાંથી મળી આવ્યો હતો.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ