અમદાવાદ / ભારે વરસાદ બાદ આ વિસ્તારમાંથી પસાર થતાં કરજો વિચાર, નહીંતર ગયા....

આ સાથે જ મેટ્રો રેલના કામકાજથી વરસાદી પાણી ભરાવાની સમસ્યા વકરી છે. દરમ્યાન શહેરના ઉત્તર પશ્ચિમ ઝોનમાં બોડકદેવ, થલતેજ, ઘાટલોડિયા, ચાંદલોડિયા અને ગોતા વોર્ડમાં ર૭ જગ્યાએ લોકોએ વરસાદી પાણીથી સાચવવું પડશે.

ઉત્તર-પશ્ચિમ ઝોનના બોડકદેવ વોર્ડમાં સંદેશ પ્રેસ રોડ પરના પ્રેસ્ટિજ ટાવર, એઇસી બ્રિજ, મેમનગર ઓફિસ, વાળીનાથનગર બસ સ્ટેન્ડ, વાસુપૂજ્ય પાસે, હેલ્મેટ ચાર રસ્તા, અતિથિ ડાઇનિંગ હોલ પાસે, મહિલા ગાર્ડન રોડ, લેડી તળાવ રોડ, મેરિયોટ હોટલ પાસે, થલતેજ વોર્ડમાં સુરધારા સર્કલ, સિલ્વર કાસા, જલસા પાર્ટી પ્લોટ, ગુરુકુળ રોડ, વિશ્રામનગર, ગુલાબ ટાવર રોડ, ઘાટલોડિયા વોર્ડમાં સુપર સ્કૂલ, હીરાબાગ, સત્કાર સોસાયટીથી ભાવિન ટેનામેન્ટ રોડ પર પાણી ભરાયેલા રહેશે. 

ઉલ્લેખનીય છે કે, છાયા ફલેટથી કાંતિપાર્ક સુધીનો રોડ, ચાંદલોડિયા વોર્ડમાં પુષ્પરાજ રેસિડેન્સી રેલવેને સમાંતર રોડ, ધરતી ચાર રસ્તા, અદૂડી ગરનાળા અને ગોતા વોર્ડમાં કુમુદનગર જંકશન, નીલગીરી જંકશન, મહાત્મા ગાંધી વસાહત, વંદેમાતરમ રોડ, અને હરિવિલા જંકશન વરસાદી પાણીમાં ગરકાવ થશે તેમ તંત્રના સત્તાવાર સર્વેમાં જાણવા મળ્યું છે.