સાવધાન / શું તમારા બેડરૂમની પર્સનલ વાતો સાંભળે છે આ સોશિયલ સાઇટ્સ! યૂઝર્સની ગોપનીયતા પર પ્રશ્નાર્થ

(Siri virtual assistant)

હજુ થોડા સમય પહેલા એવા અહેવાલ આવ્યો હતો કે એમેઝોનનું વર્ચ્યુઅલ આસીસ્ટન્ટ એલેકસા અને ગુગલનું ગુગલ આસીસ્ટન્ટ યુઝર્સની પર્સનલ વાતો સાંભળે છે. હવે એપલના વર્ચ્યુઅલ આસીસ્ટન્ટ સીરી માટે પણ સવાલો ઉઠયા છે. એપલના એક પુર્વ કોન્ટ્રાકટરે એવો દાવો કર્યો છે એપલ પણ કોન્ટ્રાકટરો મારફતે યુઝર્સની વાતો સાંભળે છે. આ માટે એપલ કોન્ટ્રાકટરોને પૈસા પણ આપે છે.

રિપોર્ટમાં કહેવાયું છે કે એપલ યુઝર્સની બેડરુમ ટોક ઉપરાંત ડોકટરની એપોઇન્ટમેન્ટ સુધીની વાતો સાંભળે છે. ધી ગાર્ડિયનના રિપોર્ટમાં કરાયેલા દાવા મુજબ કોન્ટ્રાકટર આવું જાણી જોઇને કરે છે જેથી જાણી શકાય કે યુઝરે સીરીને એકટિવેટ કરી છે કે અજાણતામાં એકટિવેટ થઇ છે અને તે અંગે યુઝરની પ્રતિક્રિયા કેવી છે. વાતચીત એટલા માટે પણ સાંભળવામાં આવે છે કે તેના ડેટાના આધારે સીરીને વધુ સારી બનાવી શકાય.

(Google virtual assistant)

એનો અર્થ એવો પણ નથી કે સીરી મારફતે એપલ તમામ વાત સાંભળે છે. એમેઝોન અને ગુગલ પણ આ જ રીતે વાત સાંભળે છે. જોકે એમેઝોને એવો બચાવ કર્યો હતો કે એલેકસાના રેકોર્ડિંગનો કેટલોક હિસ્સો તે તેને વધુ સક્ષમ બનાવવા માટે સાંભળે છે. હાલમાં કરોડો લોકો મોબાઇલ,સ્માર્ટ વોચ સહિતના ડિવાઇસમાં ગુગલ આસીસ્ટન્ટ,એલેકસા અને સીરીનો નિયમિત ઉપયોગ કરે છે.

(Amazon virtual assistant)

એપલની સિસ્ટમ જોકે આ બધામાં વધુ ચિંતાજનક એટલા માટે છે કે ગુગલ આસીસ્ટન્ટ મોબાઇલ અને સ્પીકરમાં જયારે એલેકસા મોટાભાગે સ્પીકરમાં યુઝ થાય છે. જયારે સીરી અત્યંત પોપ્યુલર એવી એપલની સ્માર્ટ વોચમાં પણ યુઝ થાય છે. જે હંમેશા જે તે વ્યકિતની એકદમ પાસે હોય છે. એપલ અવારનવાર પ્રાઇવેસીના મામલે ગુગલની મજાક કરતું હોય
છે. પરંતુ હવે તેના પર પણ આંગળી ચિંધાઇ છે.