કામની વાત / ડેંગીના તાવથી બચાવશે આ ઘરેલૂ ઉપાયો, આજથી જ કરો ઉપયોગ શરૂ

• રાજ્યમાં વધી રહ્યા છે ડેંગીના કેસ
• કોઈ સ્પેશ્યિલ દવા કામ કરતી નથી
• ઘરેલૂ ઉપાયોથી ડેંગીથી બચી શકાય છે

ડેંગીની કોઈ સ્પેશ્યિલ દવા નથી
ડેંગી ઇન્ફેક્શનને બ્લડ ટેસ્ટથી જાણી શકાય છે. જો તમે ડેંગીના શિકાર છો તો તમારે વધારે પ્રમાણમાં લિક્વિડનો ઉપયોગ કરવો જોઈએ. આ સિવાય ડોક્ટર્સ કેટલાક ઘરેલૂ નુસખાની સલાહ પણ આપે છે. જે અપનાવીને તમે ડેન્ગ્યૂથી બચી શકો છો. 

જાણો ઘરની કઈ ચીજોનો ઉપયોગ કરવાથી તમને ડેંગીમાંથી રાહત મળી શકે છે. 

ગળો (Giloy)
ગળોને આયુર્વેદમાં ઘણું મહત્વ આપવામાં આવે છે. આ છોડ શરીરમાં મેટાબોલિક રેટ વધારે છે. શરીરની પ્રતિરક્ષા પ્રણાલીને મજબૂત રાખવા માટે અને બોડીને ઈન્ફેક્શનથી બચાવવામાં મદદ કરે છે. ગળોના પાનને ઉકાળીને તેને હર્બલ ટીની જેમ ઉપયોગમાં લેવામાં આવે તો ડેંગીની સામે લડવામાં મદદ મળી શકે છે. તેમાં તમે ઈચ્છો તો તુલસીના પાન પણ ઉમેરી શકો છો. 

મેથીના પાન
મેથીના પાન તાવને દૂર કરવામાં મદદ કરે છે. સાથે જ શરીરનું દર્દ દૂર કરી દર્દીને સૂવામાં મદદ કરે છે. મેથીના પાનને પાણીમાં પલાળીને તે પાણીને પીવાથી ડેંગીમાં અને દર્દથી છૂટકારો મેળવવામાં લાભ મળે છે. આ સિવાય તમે મેથીના પાઉડરને પણ પાણીમાં મિક્સ કરીને પી શકો છો.

પપૈયાના પાન
પપૈયાના પાન પ્લેટલેટ્સ વધારવામાં મદદ કરે છે. સાથે જ શરીરમાં તાવને કારણે થતો દુઃખાવો, નબળાઈ આવવી, ઉબકા આવવા, થાકનો અનુભવ વગેરેને ઓછું કરવામાં મદદ કરે છે. જો તમે પપૈયાના પાનને વાટીને ખાશો કે તેનું ડ્રિંક બનાવીને પીશો તો પણ તમને લાભ થશે. આ પાન કે જ્યૂસ શરીરમાંથી ટોક્સિન બહાર કાઢવામાં મદદ કરે છે. 

હળદર
હળદર શરીરનું મેટાબોલિઝમ વધારવાને માટે ઉપયોગી છે. તે કોઈ પણ ઘાને ભરવાનું કામ પણ કરે છે. સાથે હળદરવાળું દૂધ પીવાથી પણ શરીરને રાહત મળે છે. 

તુલસીના પાન અને કાળા મરી
તુલસીના પાન અને 2 ગ્રામ કાળા મરીને પાણીમાં ઉકાળીને પાણી પીવું હેલ્થને માટે સારું રહે છે. આ ડ્રિંક તમારી રોગ પ્રતિરોધક શક્તિને વધારે છે. સાથે જ એન્ટી બેક્ટેરિયલ તત્વના રૂપમાં પણ તે કામ કરે છે. 

ઘરમાં લગાવો આ છોડ, ભાગશે મચ્છર
મચ્છરને ભગાડવાનો સૌથી બેસ્ટ ઉપાય છે કે તમે ડેંગી રહિત છોડ લગાવો. એમાં તુલસીનો છોડ,સિટ્રોનેલા અને લેમન ગ્રાસના છોડ મચ્છરોને ઉછરવા નથી દેતા. એ ખાસ કરીને ડેંગી વિરોધી છોડ હોય છે આ મોનસૂનમાં તમે આ છોડને લગાવવાનો વિચાર કરી શકો છો.