ચેતવણી / QR Code સ્કેન કરીને પેમેન્ટ કરતા મહિલા બની કંગાળ, આટલું ધ્યાન રાખજો નહીંતર તમારો વારો

• ક્યૂઆર કોડનું કૌભાંડ ચાલી રહ્યું છે
• OLX પર ચાલી રહ્યો છે કૌભાંડનો મોટો ખેલ
• સ્કેમર ઠગાઈથી પડાવી લે છે પૈસા
• દુકાનમાં ખરીદી સમયે ધ્યાન રાખજો

ઓનલાઇન કૌભાંડો ખૂબ જ ઝડપથી વધી રહ્યા છે. આ કારણે લોકોને હંમેશા સાવધાન રહેવાનું કહેવામાં આવે છે. ક્યૂઆર કોડનું કૌભાંડ પણ ચાલી રહ્યું છે. આ સાથે જ તમે QR કોડ સ્કેન કરતા જ તમારા પૈસા સ્કેમર્સના અકાઉન્ટ સુધી પહોંચી જશે. ભૂતકાળમાં, ઘણી સુરક્ષા સંશોધન કંપનીઓએ આ વિશે અહેવાલ આપ્યો છે.

નાનું મોટું પેમન્ટ કરતી વખતે ધ્યાન રાખજો 

દુકાનમાં લોકો ક્યુઆર કોડ સ્કેન કરીને નાનું મોટું પેમેન્ટ કરી રહ્યાં છે અને આવે વખતે એક જરા સરખી ભૂલ પણ તમને કંગાળ બનાવી શકે છે. માટે ધ્યાનથી ક્યુઆર કોડ સ્કેનનો ઉપયોગ કરવાની નિષ્ણાંતો સલાહ આપી રહ્યાં છે. 

મહિલા સાથે બની ચોંકાવનારી ઘટના 

QR કોડ સ્કેમ નવું નથી. ઘણી વખત લોકો OLX પર આ કૌભાંડનો ભોગ બને છે. તાજેતરના એક અહેવાલમાં કહેવામાં આવ્યું છે કે એક મહિલાએ OLX કેટલીક વસ્તુઓ વેચવા મૂકી હતી ત્યારે તેની સાથે ઠગાઈ થઈ હતી અને તેના ઘણા પૈસા કપાઈ ગયા હતા. સ્કેમર મહિલાએ કહેલી પ્રાઈસે વસ્તુઓ ખરીદવા તૈયાર થયો હતો ત્યારબાદ તેણે મહિલાને વોટ્સએપ પર ક્યૂઆર કોડ મોકલ્યો હતો. સ્કેમરે દાવો કર્યો હતો કે તે મહિલાને ચૂકવણી કરવા માંગતો હતો. ફોનપે અથવા જીપેમાંથી કોડ સ્કેન કરતા મહિલાના ખાતામાં ઝાઝા પૈસા કપાયા હતા. 

ક્યૂઆર કોડ સ્કેન કરતી રાખો સાવધાની 
આ કામ થતાં જ મહિલાના ખાતામાંથી પૈસા કપાઈ ગયા હતા. જેની જાણ સાયબર ક્રાઇમમાં થઇ હતી. આ સિવાય ક્યૂઆર કોડને લઈને વધુ એક કૌભાંડ કરવામાં આવે છે. જ્યાં સ્કેમર્સ પેટ્રોલ પંપ અથવા દુકાન જેવા જાહેર સ્થળે ક્યુઆર કોડને તેમના ક્યૂઆર કોડથી બદલી નાખે છે.