જો તમે QR Code દ્વારા પેમેન્ટ કરતા હોવ તો તરત જ ધ્યાન આપજો, નહીંતર તમારું એકાઉન્ટ ખાલી થઈ જશે.
QR Code દ્વારા વધ્યા છેતરપિંડીના કેસ
યુપીઆઈ દ્વારા પેમેન્ટ કરવાની સૌથી સરળ રીત છે QR Code
આટલી વાતોનું ખાસ ધ્યાન રાખો
ડિજિટલ પેમેન્ટની દુનિયામાં ક્વિક રિસ્પોન્સ કોડ (QR Code) દ્વારા પેમેન્ટ કરવાની રીતસૌથી સરળ છે. થોડા વર્ષો પહેલાં જ મોબાઇલ વોલેટ કંપનીઓએ ક્યૂઆર કોડ દ્વારા પેમેન્ટની પદ્ધતિ રજૂ કરી હતી. પરંતુ યુપીઆઈ પેમેન્ટના આ સમયમાં તે ખૂબ જ પોપ્યુલર થઈ છે. શક્ય છે કે તમે પણ ક્યૂઆર કોડ દ્વારા પેમેન્ટ કરતા હશો. પરંતુ હવે તેને લઇ સાવધાન રહેવાની જરૂર છે. હકીકતમાં ફ્રોડર્સે તેમાં પણ છેતરપિંડી કરી લોકોને શિકાર બનાવવાનું શરૂ કર્યું છે.
આ ફ્રોડર્સ સૌથી વધુ ઓનલાઈન સેલર્સને ટાર્ગેટ કરી રહ્યાં છે. માની લો કે તમે કંઈક ઓનલાઇન વેચી રહ્યા છો અને તેના માટે તમે ક્લાસિફાઈડ એડ મૂકી છે. આવી સ્થિતિમાં આ ફ્રોડર્સ લોકોને કોલ કરે છે અને કહે છે કે તેઓ તમારો સામાન ખરીદવા માંગે છે. કિંમત નક્કી કર્યા પછી તેઓ ટેસ્ટિંગ તરીકે ટોકન રકમ મોકલે છે. આ રીતે ફ્રોડર્સ તમારો વિશ્વાસ જીતી લે છે.
કેવી રીતે ક્યૂઆર કોડની મદદથી છેતરપિંડી થઇ રહી છે?
એકવાર તમે ફ્રોડર્સ પર વિશ્વાસ કરવાનું શરૂ કરો છો તો પછી તેઓ સેલરને ક્યૂઆર કોડ મોકલે છે અને તેને સ્કેન કરવા કહે છે જેથી તમે પેમેન્ટ કરી શકો. અહીં કરેલી તમારી એક ભૂલ તમારું બેંક એકાઉન્ટ સાફ કરી શકે છે.
ક્યૂઆ કોડ સ્કેનર બદલીને પણ છેતરપિંડી
ડિજીટલ પેમેન્ટ માટે ક્યૂઆર કોડ જેટલી સગવડભરી પેમેન્ટની પદ્ધતિ છે, એટલા જ તેના ખોટા ઉપયોગ થવાના જોખમ છે. ઘણાં કિસ્સાઓમાં ફ્રોડર્સ અનેક મર્ચન્ટને ત્યાં તેમનો ક્યૂઆર કોડ સ્કેનર્સની જગ્યાએ પોતાનો કોડ મૂકી દે છે. આ પ્રકારે મોટાભાગના લોકો તેમને જ પેમેન્ટ કરે છે અને દુકાનદારને તેની જાણ પણ નથી થતી.
ક્યૂઆર કોડથી પેમેન્ટ કરતા પહેલાં આ વાતનું ધ્યાન રાખો
હકીકતમાં ક્યૂઆર કોડ સાથે સૌથી મોટી સમસ્યા એ છે કે વ્યક્તિ ક્યૂઆર કોડને વાંચી નથી શકતો. આ જ કારણે ક્યૂઆર કોડ દ્વારા પેમેન્ટ કરતા પહેલાં ચકાસી લો કો, તેના પર રિસીવરનું જ નામ છે. સાથે જ જ્યારે તમારે કોઈની પાસેથી પેમેન્ટ લેવાનું છે તો ક્યૂરઆર તમારો જ છે તેની ખાતરી કરો. જો કોઈ પોતાનો ક્યૂઆર કોડ મોકલીને એવું કહે છે કે, તેને સ્કેન કરો અને પેમેન્ટ લઈ લો તો સમજો કે એ ફ્રોડર છે.