ટીમ ઈન્ડિયા પોતાની પ્રથમ મેચ 23 ઓક્ટોબરે પાકિસ્તાન સામે રમવાની છે. આ મેચ દિવાળીના એક દિવસ પહેલા રમાશે.
ભારતીય ક્રિકેટ ટીમે T20 વર્લ્ડ કપ 2022 મિશનની તૈયારી શરૂ કરી દીધી
BCCI એ શેર કરી ટ્રેનિંગ સેશનની તસવીરો
રવિવારે રમાશે ભારત અને પાકિસ્તાનની મેચ
ઓસ્ટ્રેલિયામાં આયોજિત T20 વર્લ્ડ કપ 16 ઓક્ટોબરથી શરૂ થઈ ગયો છે અને હાલમાં ક્વોલિફાઈંગ મેચો રમાઈ રહી છે. ટીમ ઈન્ડિયા પોતાની પ્રથમ મેચ 23 ઓક્ટોબરે પાકિસ્તાન સામે રમવાની છે. આ મેચ દિવાળીના એક દિવસ પહેલા રમાશે. ભારતીય ક્રિકેટ ટીમે T20 વર્લ્ડ કપ 2022 મિશનની તૈયારી શરૂ કરી દીધી છે. ભારતીય ટીમ થોડા દિવસ પહેલા વોર્મ અપ મેચ રમી હતી અને જીતી હતી. ટીમ ઈન્ડિયા આ મેચ મેલબોર્નમાં રમશે. આપની ટીમ ઈન્ડિયા દિવાળી પહેલા પાકિસ્તાના ફટાકડા ફુસ્સ કરવાની તૈયારી કરી રહી છે. આ સાથે જ એશિયા કપમાં રમાયેલી છેલ્લી મેચમાં મળેલી હારનો બદલો લેવા ટીમ ઈન્ડિયા ખૂબ તૈયારી કરી રહી છે.
BCCI એ શેર કરી ટ્રેનિંગ સેશનની તસવીરો
હાલ જ ટીમ ઈન્ડિયાએ બ્રિસ્બેનમાં ઓસ્ટ્રેલિયા તેની પહેલી વોર્મ-અપ મેચ રમી હતી અને એ મેચ જીતી હતી. જો કે બીજી વોર્મ-અપ મેચ ન્યુઝીલેન્ડ સામે રમાવાની હતી પણ એ મેચ વરસાદને કારણે રદ્દ થઈ ગઈ હતી. હવે ટીમ ઈન્ડિયા પોતાની પહેલી વર્લ્ડ કપની મેચ રમવા માટે મેલબોર્ન પહોંચી ગઈ છે. અહીં પહોંચતાની સાથે જ ટીમે મેલબોર્ન ક્રિકેટ ગ્રાઉન્ડ (MCG) પર ખાસ તૈયારીઓ શરૂ કરી દીધી છે.
જણાવી દઈએ કે ત્યાં ટીમ ઈન્ડિયા એ પહેલું ટ્રેનીગ સેશન શરૂ કરી દીધું છે અને ઘણો પરસેવો પાડતા નજર આવી રહ્યા છે. આ ટ્રેનિંગ સેશનની તસવીર ભારતીય ક્રિકેટ કંટ્રોલ બોર્ડ (BCCI) દ્વારા પણ શેર કરવામાં આવી છે અને શેર કરેલ એ તસવીરના કેપ્શનમાં લખ્યું છે કે, 'ભારત-પાકિસ્તાન મેચ પહેલા, ટીમ તેના પ્રથમ ટ્રેનિંગ સેશન માટે MSAG પહોંચી હતી.'
રવિવારે રમાશે ભારત અને પાકિસ્તાનની મેચ
જણાવી દઈએ કે ઓસ્ટ્રેલિયા દ્વારા આયોજિત T20 વર્લ્ડ કપ 16 ઓક્ટોબરથી શરૂ થઈ ગયો છે અને હાલમાં ક્વોલિફાઈંગ મેચો રમાઈ રહી છે. ટીમ ઈન્ડિયા પોતાની પ્રથમ મેચ 23 ઓક્ટોબરે પાકિસ્તાન સામે રમવાની છે. આ મેચ દિવાળીના એક દિવસ પહેલા રમાશે. ભારતીય ટીમને સુપર-12ના ગ્રુપ-બીમાં રાખવામાં આવી છે. આ ગ્રુપમાં ટીમ ઈન્ડિયા ઉપરાંત પાકિસ્તાન, બાંગ્લાદેશ અને દક્ષિણ આફ્રિકા પણ છે. જ્યારે નેધરલેન્ડે ક્વોલિફાઈંગ રાઉન્ડ બાદ આ ગ્રુપમાં પ્રવેશ કર્યો છે.