BCCI ના અધ્યક્ષ સૌરવ ગાંગુલીએ બાંગ્લાદેશ ક્રિકેટ બોર્ડ (BCB) ને એશિયા ઇલેવન ટીમ માટે સિલેક્ટેડ ખેલાડીઓના નામ મોકલી દીધા છે.
ઉલ્લેખનીય છે કે, બાંગ્લાદેશ પોતાના સંસ્થાપક શેખ મુજીબ ઉર રહમાનની 100મી જન્મજયંતિએ 2 T-20 મેચનું આયોજન કરી રહ્યું છે. આ મેચ એશિયા ઈલેવન અને વર્લ્ડ ઈલેવન વચ્ચે 18 અને 21 માર્ચના રોજ ઢાકામાં રમાશે
આ મામલાથી જોડાયેલા સૂત્રોનુસાર, ''સૌરવ ગાંગુલીએ ખેલાડીઓને ઉપલબ્ધતાના આધાર પર જ BCB ને નામ મોકલ્યા છે. નામ અમુક સમય અગાઉ જ મોકલી દેવાયા હતા કારણ કે બાંગ્લાદેશ બોર્ડને ટીમ તૈયાર કરવા ખેલાડીઓની યાદી જોઈતી હતી.'' આ મેચ માટે પાકિસ્તાનના ખેલાડીઓને આમંત્રણ મોકલવામાં આવ્યું નથી.
ભારતની તરફથી વિરાટ કોહલી, શિખર ધવન, કુલદીપ યાદવ અને મોહમ્મદ શમીનું નામ મોકલવામાં આવ્યુ છે. BCCI ના અધ્યક્ષ સૌરવ ગાંગુલીએ ભારતના 4 ખેલાડીઓના નામ બાંગ્લાદેશ ક્રિકેટ બોર્ડ (BCB)ને મોકલ્યા છે. BCCI ના સહાયક સચિવે સ્પષ્ટતા કરતા કહ્યુ કે, ''આ મેચ માટે પાકિસ્તાનના ખેલાડીઓને આમંત્રણ મોકલવામાં આવ્યુ નથી. અમને જે સમાચાર મળ્યા છે તે અનુસાર, એશિયા ઇલેવનમાં કોઇ પાકિસ્તાનના ખેલાડીઓને આમંત્રણ આપવામાં આવ્યુ નથી.''