ટીમ ઇન્ડિયાનું મિશન વર્લ્ડકપ જારી છે. વિરાટ બ્રિગેટ પૉઇન્ટ ટેબલ પર પહેલા સ્થાન પર આવીને સેમિફાઇનલમાં ન્યૂઝીલેન્ડની સામે રમવા માટે તૈયાર છે. જોક શ્રીલંકા વિરુદ્ઘ મેચ દરમિયાન એવા દશ્યો સામે આવ્યા, જેનાથી ખિલાડીઓની સુરક્ષાને લઇને સવાલ થઇ રહ્યા છે.
આ ઘટનાને જોઇને ભારતીય ક્રિકેટ કંટ્રોલ બોર્ડ (BCCI)ને નારાજ છે. BCCIએ આંતરરાષ્ટ્રીય ક્રિકેટ પરિષદ (ICC)ને એક પત્ર લખ્યો છે જેમાં ટીમ ઇન્ડિયા અને ફેન્સની સુરક્ષા માટે આશ્વાસનની માંગ છે.
BCCI has filed an official complaint with ICC regarding the incident where aircraft with Kashmir banners flew over Headingley stadium in Leeds (England) yesterday, where the World Cup match between India and Sri Lanka was being played. pic.twitter.com/JZ4EipeQkx
વાસ્તવમાં શનિવારે રમાયેલી ભારત અને શ્રીલંકાની મેચમાં સ્ટેડિયમની ઉપરથી 3 વખત હેલિકોપ્ટર પસાર થયાં જેમના પર ભારત વિરોધી બેનર લહેરાઇ રહ્યાં હતાં.
મેચની શરૂઆતની અમુક મિનિટમાં જ એક વિમાન 'કાશ્મીર માટે ન્યાય' ના મેસેજ સાથે ઉડ્યું. અડધા કલાક બાદ આ પ્રકારનું જ વિમાન આવ્યું જેના પર 'ભારત નરસંહાર બંધ કરો, કાશ્મીરને આઝાદ કરો' નું બેનર લહેરાઇ રહ્યું હતું.
ટીમ ઇન્ડિયા જ્યારે ટાર્ગેટનો પીછો કરી રહ્યી હતી ત્યારે ત્રીજુ વિમાન આવ્યું જેમાં લખ્યું હતુ 'ભારતમાં મૉબ લિંચીંગ બંધ કરવામાં આવે'.
આ ઘટના બાદ BCCIએ ICC સમક્ષ આ મામલે લેખિતમાં ફરિયાદ નોંધાવી છે. આ ઘટનાને 'અસ્વીકાર્ય' જણાવીને BCCIએ સુરક્ષાનો મુદ્દો ઉઠાવ્યો છે.
BCCIના એક વરિષ્ઠ અધિકારીએ કહ્યું, 'આ સમ્પૂર્ણ પણે અસ્વીકાર્ય છે. અમે ICCને લખ્યું છે અને હેડિંગ્લેમાં જે થયું તેને લઇને ચિંતા જાહેર કરી છે. જો સેમિફાઇનલમાં આ પ્રકારની કોઇ ઘટના થઇ તો તે દુર્ભાગ્યપૂર્ણ હશે. અમારા ખેલાડીઓની સુરક્ષા સર્વોચ્ચ છે. '
29 જૂનના આ જ સ્ટેડિયમમાં પાકિસ્તાન અને અફઘાનિસ્તાન વચ્ચે મેચ રમાયો હતો. આ દરમિયાન એક પ્લેન સ્ટેડિયમ પરથી પસાર થયું હતું જેમાં બલૂચિસ્તાન માટે ન્યાયના સંદેશ વાળું બેનર હતું. આ મેચ દરમિયાન બન્ને દેશના પ્રંસશકો એકબીજા સાથે ઝઘડી પડ્યા હતા. ત્યાંથી અમુક દર્શકોને સ્ટેડિયમની બહાર મોકલી દેવામાં આવ્યા હતા.
આ ઘટના બાદ ICCએ માન્ચેસ્ટર તથા બર્મિંઘમ પોલીસ સાથે વાતચીત કરી. પોલીસે ભરોસો આપ્યો છે કે આ બન્ને શહેરોના સ્ટેડિયની આસપાસના વિસ્તારને નો ફ્લાઇંગ ઝોન ઘોષિત કરવામાં આવશે. ઉલ્લેખનીય છે કે માન્ચેસ્ટરના ઓલ્ડ ટ્રેફર્ડ અને બર્મિંઘમના એજબસ્ટનમાં અનુક્રમે 9 અને 11 જુલાઇના સેમિ ફાઇનલ મેચ રમાવાના છે.