મોટેરા સ્થિત સરદાર પટેલ સ્ટેડિયમ દુનિયાનું સૌથી મોટું ક્રિકેટ સ્ટેડિયમ બનવા જઈ રહ્યું છે જેમાં 1 લાખ 10 હજાર લોકોને બેસવાની ક્ષમતા છે. આ સ્ટેડિયમનું ઉદ્ઘાટન અમેરિકાના રાષ્ટ્રપતિ ડોનાલ્ડ ટ્રમ્પના હાથે થશે તેવી શક્યતાઓ છે. ભારતીય ક્રિકેટ કંટ્રોલ બોર્ડના (BCCI) અધ્યક્ષ સૌરવ ગાંગુલી આ સ્ટેડિયમથી ઘણા પ્રભાવિત થયા છે.
ઓસ્ટ્રેલિયાનું મેલબર્ન ક્રિકેટ ગ્રાઉન્ડ એ દુનિયાનો સૌથી મોટો સ્ટેડિયમ
પ્રધાનમંત્રી નરેન્દ્ર મોદીના ડ્રિમ પ્રોજેક્ટ તરીકે માનીતો સ્ટેડિયમ પ્રોજેક્ટ
સૌથી મોટો રેકોર્ડ ભારતના નામે થઇ જશે
ગાંગુલીએ મંગળવારે ટ્વીટ કરીને જણાવ્યું હતું કે, અમદાવાદમાં આટલા મોટા અને શાનદાર સ્ટેડિયમને જોઈને ખુશી થઇ. એક ખેલાડી, એક કેપ્ટન તરીકે આ મેદાન સાથે મારી ઘણી યાદો જોડાયેલી છે. ઇડન ગાર્ડનમાં હજારો લોકોને જોઈને મોટો થયો છું. આ સ્ટેડિયમને 24 તારીખે જોવા માટે ઉત્સુક છું.
Lovely to see such a massive ,pretty stadium .. Ahmedabad .. have great memories in this ground as a player ,captain ..grew up at Eden with hundred thousand capacity .. (not any more).. can’t wait to see this on 24th
સૌથી પહેલા આ સ્ટેડિયમ 1982માં બન્યું હતું. ત્યારબાદ આ સ્ટેડિયમનો નવનિર્માણ કરવામાં આવ્યું છે. આ માટે ગુજરાત સરકારે 50 એકર જમીન ફાળવી આપી હતી. 1983માં આ સ્ટેડિયમ આંતરરાષ્ટ્રીય મૅચોનું આયોજન થવાનું શરુ થયું હતું.
અત્યાર સુધી મોટેરામાં કેટલી મેચો રમાઈ છે
આ ગ્રાઉન્ડમાં એક ટી-20 ઇન્ટરનેશનલ, 12 ટેસ્ટ મૅચ અને 24 વન ડે આયોજિત થઇ છે. આ સ્ટેડિયમે અત્યારથી જ ભારતનું નામ દુનિયાના સૌથી વિશાળ સ્ટેડિયમ ધરાવનાર દેશના નામથી રોશન કર્યું છે.
સરદાર પટેલ સ્ટેડિયમની ખાસિયતો
બાંધકામનો ખર્ચ: લગભગ 700 કરોડ રૂપિયા
દર્શક ક્ષમતા: 1 લાખ 10 હજાર
સ્ટેડિયમમાં 75 કોર્પોરેટ બોક્સ બનાવવામાં આવ્યા છે
પહેલી વાર કોઈ સ્ટેડિયમમાં LED લાઈટ લગાવવામાં આવશે, જેથી વીજળીની બચત થશે
સ્ટેડિયમમાં 4 હજાર થી વધુ કાર અને 10 હજારથી વધુ ટુ વ્હીલર માટેની પાર્કિંગ વ્યવસ્થા કરવામાં આવી રહી છે
સૌથી મોટો ક્રિકેટ સ્ટેડિયમ હોવાનો રેકોર્ડ ભારતના નામે
નવા સ્ટેડિયમનું ભૂમિ પૂજન જાન્યુઆરી 2016માં થયું હતું, જેમાં ત્રણ પ્રેક્ટિસ ગ્રાઉન્ડ, ક્લબ હાઉસ, મોટો સ્વિમિંગપુલ અને ઈનડોર ક્રિકેટ એકેડમી પણ છે. આ સ્ટેડિયમની સત્તાવાર શરૂઆત થતાં જ મેલબર્નનો સૌથી મોટો ક્રિકેટ સ્ટેડિયમ હોવાનો દરજ્જો છીનવાઈ જશે અને આ રેકોર્ડ ભારતના નામે થઇ જશે.