જો ભારત બીજી વનડે મેચમાં વિજય મેળવે છે તો શ્રેણી પર તેનો કબજો થઈ જશે. બીજી ODI મેચ પહેલા ટીમ ઈન્ડિયામાં 3 ઘાતક ખેલાડીઓની અચાનક એન્ટ્રી થઈ છે.
IND vs WI 3 મેચની ODI સિરીઝ
ભારતીય ટીમમાં 3 ખેલાડીઓની અચાનક એન્ટ્રી
વેસ્ટ ઇન્ડિઝની ટીમ આશ્ચર્યમાં
ભારત અને વેસ્ટ ઈન્ડિઝ વચ્ચે 3 મેચની ODI સિરીઝની બીજી મેચ 9 ફેબ્રુઆરીએ રમાશે. ભારત પ્રથમ વનડે જીતીને શ્રેણીમાં 1-0થી આગળ છે. જો ભારત બીજી વનડે મેચમાં વિજય મેળવે છે તો શ્રેણી પર તેનો કબજો થઈ જશે. બીજી ODI મેચ પહેલા ટીમ ઈન્ડિયામાં 3 ઘાતક ખેલાડીઓની અચાનક એન્ટ્રી થઈ છે.
ટીમ ઈન્ડિયામાં આ ખેલાડીઓની અચાનક એન્ટ્રી
લોકેશ રાહુલ, મયંક અગ્રવાલ અને નવદીપ સૈની બીજી ODI મેચ પહેલા ટીમ ઈન્ડિયા સાથે જોડાઈ ગયા છે. લોકેશ રાહુલ અને ઓપનર મયંક અગ્રવાલ સોમવારે વેસ્ટ ઈન્ડિઝ સામેની બીજી ODI પહેલા નેટ સેશન દરમિયાન પ્રેક્ટિસ કરી હતી.
વેસ્ટ ઈન્ડિઝની ટીમ ચોંકી ગઇ
ટીમ ઈન્ડિયાના સભ્યો માટે આ એક વૈકલ્પિક પ્રેક્ટિસ સેશન હતું, કારણ કે ટીમે એક દિવસ પહેલા મેચ રમી હતી. ભારતીય ટીમમાં કોવિડ-19 પોઝિટિવના કેટલાક કેસ નોંધાયા બાદ અગ્રવાલને ટીમમાં સામેલ કરવામાં આવ્યો હતો. ઘરેલુ ક્રિકેટમાં દિલ્હીનું પ્રતિનિધિત્વ કરનારા 29 વર્ષીય ઝડપી બોલર નવદીપ સૈનીએ પણ પ્રેક્ટિસ સેશનમાં ભાગ લીધો હતો.
BCCIએ કર્યુ ટ્વિટ
BCCIએ ક્રિકેટરોની તસવીરો સાથે ટ્વિટ કર્યું, 'જુઓ અહીં કોણ છે. ત્રણેય ટીમમાં જોડાયા અને આજે પ્રેક્ટિસ સેશનમાં ઘણો પરસેવો પાડ્યો. લોકેશ રાહુલ, મયંક અગ્રવાલ અને નવદીપ સૈની ખૂબ જ ખતરનાક ખેલાડી છે, જેમનાથી વેસ્ટ ઈન્ડિઝની ટીમ ધાકમાં છે.