ક્રિકેટ / પોતાના ખેલાડીઓ માટે આગળ આવ્યુ BCCI, ચૂકવી 3 મહિનાની બાકી રકમ

• કોન્ટ્રાક્ટ ધરાવતા ખેલાડીઓની 3 મહિનાની બાકી રહેલી રકમ ચૂકવી દીધી 
• જોકે ઇંગ્લેન્ડ અને ઓસ્ટ્રેલિયન જેવા ક્રિકેટ બોર્ડ પણ ખેલાડીઓના વેતનમાં કાપ મૂકે તેવા સંકેતો

કોરોના વાયરસને કારણે વૈશ્વિક અર્થવ્યવસ્થા પર મોટી અસર પડી છે. ઇંગ્લેન્ડ અને ઓસ્ટ્રેલિયા જેવા ક્રિકેટ બોર્ડ પણ ખેલાડીઓના વેતન પર કાપ મૂકે તેવી સંભાવના છે. 

BCCI ના અધિકારીએ ઓળખ છતી ના કરવાની શરતે જણાવ્યુ હતુ કે, લૉકડાઉન 23 માર્ચના રોજ જાહેર કરવામાં આવ્યુ હતુ અને તેમ છતાં BCCI એક કોઇ પણ પ્રકારની પરિસ્થિતિ માટે તૈયાર હતુ. બોર્ડે પોતાના ખેલાડીઓના સેન્ટ્રલ કોન્ટ્રાક્ટની 3 મહિનાની રકમ ચૂકવી દીધી છે. આ ઉપરાંત ભારત અને ભારત-એ માટે રમેલા તમામ ખેલાડીઓની મેચ ફી તથા અન્ય બાકી રહેલા રકમ નાણાકીય વર્ષના અંત સુધીમાં ચૂકવી દેવામાં આવી છે.

ઇંગ્લેન્ડ અને ઓસ્ટ્રેલિયાના ખેલાડીઓ જાહેરમાં સ્વીકાર્યુ છે કે તેઓ વેતનના કાપ માટે તૈયાર છે. ઓસ્ટ્રેલિયામાં સેન્ટ્રલ કોન્ટ્રાક્ટની જાહેરાત ટાળી દેવામાં આવી છે. BCCI ના અધિકારીએ કહ્યુ કે, જ્યારે અન્ય બોર્ડ આ મુશ્કેલ પરિસ્થિતિમાં પોતાના ઘરેલૂ ખેલાડીઓને ચૂકવણી કરવા માટે સંઘર્ષ કરી રહ્યા છે. ત્યારે ભારતીય બોર્ડની મબજૂત સ્થિતિના કારણે મદદ મળી રહી છે. 

તેમણે કહ્યુ કે, એક ક્રિકેટ બોર્ડે પોતાના ખેલાડીઓને સરકારી સહાય કાર્યક્રમ પર રાખી દીધા છે. પ્રત્યેક જગ્યાએ વેતનના કાપની વાત ચાલી રહી છે. પરંતુ મને વિશ્વાસ છે કે BCCI હંમેશાની જેમ પોતાની ખેલાડીઓને સારી રીતે સંભાળ રાખવા માટે સક્ષમ છે. આપણા ઇન્ટરનેશનલ અને ઘરેલૂ ક્રિકેટર્સને કોઇ તકલીફ નહી પડે.

તો બીજી તરફ કોરોના વાયરસના કારણે 29 માર્ચે શરૂ થનાર ઇન્ડિયન પ્રીમિયર લીગ(IPL)ને 15 એપ્રિલ સુધી સ્થગિત કરવામાં આવી હતી. ટૂર્નામેન્ટના પૂર્વ ચેરમેન રાજીવ શુક્લાએ કહ્યું કે, ''કોરોનાના કારણે 15 એપ્રિલથી IPL રમાઈ તે સંભવ નથી. દેશમાં લોકડાઉન વધશે તેવું લાગી રહ્યું છે. ''

રાજીવ શુક્લાએ આગળ કહ્યું કે, "મને કોઈ તૈયારી દેખાઈ રહી નથી. અમારી પ્રાથમિકતા કોરોનાથી લડવાની અને લોકોનો જીવ બચાવવાની છે. અત્યારે બધું સરકારના નિર્ણય પર નિર્ભર છે. જોઈએ કે સરકાર લોકડાઉન, વિઝા પ્રતિબંધ અને કોરોનાને લઈને શુ કહે છે. અમે તેમના આદેશ પ્રમાણે જ કામ કરીશું.