IPL 2022 ધીરે-ધીરે હવે પૂર્ણતાના આરે છે. 15મી સિઝનમાં અત્યાર સુધી 66 મેચ રમાઈ છે. લીગ મેચની વાત કરવામાં આવે તો માત્ર 4 મેચ હજુ રમવાની બાકી છે. આ દરમ્યાન ભારતીય ક્રિકેટ કંટ્રોલ બોર્ડે આઈપીએલના 16મા સત્રને લઇને મહત્વની જાહેરાત કરી છે.
BCCIએ IPLના 16મા સત્રને લઇને મહત્વની જાહેરાત કરી
આઈપીએલ 2023ની મેચના સમયમાં કરાયો ફેરફાર
તો હવે આવતા વર્ષથી આ સમય પ્રમાણે રમાશે મેચ
BCCIએ IPL 2023ની મેચના સમયમાં ફેરફાર કર્યો
બીસીસીઆઈએ આગામી સિઝનમાં થનારી આઈપીએલ 2023ની મેચના સમયમાં ફેરફાર કર્યો છે. અત્યાર સુધી દિવસની મેચની શરૂઆત 3.30 વાગ્યાથી થતી હતી. તો મોડી રાત્રિ સુધી રમાતી મેચની શરૂઆત સાંજે 7.30 વાગ્યાથી થતી હતી. પરંતુ નવા સમયને કારણે બીસીસીઆઈએ તેમાં ફેરફાર કર્યો છે. ક્રિકબજની રિપોર્ટ મુજબ બીસીસીઆઈએ સંભવિત બ્રોડકાસ્ટરને જણાવ્યું છે કે વર્ષ 2023માં ડબલ હેડર હેઠળ મેચની શરૂઆત 4 વાગ્યાથી શરૂ થશે તો સાંજે રમાતી મેચની શરૂઆત સાંજે 8 વાગ્યાથી થશે. આ દરમ્યાન બીસીસીઆઈએ એવુ પણ સ્પષ્ટ કર્યુ છે કે ડબલ હેડર મુકાબલાની સંખ્યામાં ઘટાડો થશે. બોર્ડે આ માહિતી આઈપીએલ પ્રસારણ અધિકાર ખરીદનારી ઈચ્છુક પાર્ટીઓેને સંબોધિત કરતા આપી.
પહેલા પણ આ સમયે રમવામાં આવી છે મેચ
આઈપીએલ ઈતિહાસમાં આ પહેલી વખત નહીં હોય જ્યારે મેચની શરૂઆત 4 અને 8 વાગ્યાથી થશે. આની પહેલા પણ આ સમયે મેચ રમવામાં આવી છે. આઈપીએલના શરૂઆતના 10 વર્ષમાં જોવામાં આવે તો તે સમયે 4 વાગ્યે અને 8 વાગ્યાથી મેચ શરૂ થતી હતી. જ્યાં સુધી સ્ટાર સ્પોર્ટસે પ્રસારણ અધિકાર ખરીદ્યા નહોતા ત્યાં સુધી આ ક્રમ ચાલ્યો હતો. સ્ટાર સ્પોર્ટ્સ દ્વારા આઈપીએલના બ્રોડકાસ્ટિંગ રાઈટ ખરીદ્યા બાદ જાતે બ્રોડકાસ્ટરે બીસીસીઆઈ પાસેથી સમયના પરિવર્તનમાં અપીલ કરી હતી. ત્યારબાદ મેચના સમયમાં ફેરફર કરવામાં આવ્યો. સ્ટાર સ્પોર્ટ્સે 2018માં પાંચ વર્ષ સુધી પ્રસારણ અધિકાર ખરીદ્યા હતા.