રિપોર્ટ / આ બે વ્યક્તિઓની હાજરીમાં વિરાટ-રોહિતના ઝઘડાનો આવશે અંત

ભારતીય કેપ્ટન વિરાટ કોહલી અને વાઇસ કેપ્ટન રોહિત શર્માની વચ્ચે અણબનના સમાચાર હાલના સમયે ભારતીય ક્રિકેટનો સૌથી મોટો મુદ્દો બનતો જઇ રહ્યો છે. એને લઇને બંને ખેલાડીઓનું કોઇ નિવેદન આવ્યું નથી, પરંતુ સતત મળી રહેલી માહિતી એવું જરૂરથી જણાવે છે કે બંને વચ્ચે સંબંધ એટલા પણ સારા નથી. 

ટીમ ઇન્ડિયાનો વેસ્ટ ઇન્ડિઝનો પ્રવાસ શરૂ થવાનો છે અને બીસીસીઆઇએ પણ બંને વચ્ચેના ઝઘડાનો અંત લાવવા માટે કમર કસી લીધી છે. એક મીડિયા રિપોર્ટ અનુસાર બીસીસીઆઇએ બંને ખેલાડીઓ વચ્ચે અમેરિકામાં ઝઘડાનો અંત લાવવાનો રસ્તો શોધી શકે છે. વાસ્તવમાં ભારતીય ટીમને પોતાના વેસ્ટઇન્ડિઝ પ્રવાસમાં રમવામાં આવનારી ત્રણ મેચોની ટી 20 સીરિઝની શરૂઆતની બે મેચો અમેરિકાના ફ્લોરિડામાં રમવાની છે. 

માનવામાં આવી રહ્યું છે કે બીસીસીઆઇના સીઇઓ રાહુલ જૌહરી જલ્દી અમેરિકા જઇ શકે છે. જૌહરી અહીંયા મુખ્ય કોચ રવિ શાસ્ત્રીની હાજરીમાં વિરાટ કોહલી અને રોહિત શર્મા સાથે વાત કરીને બંને વચ્ચેના ઝઘડાનો અંત લાવવાનો પ્રયત્ન કરશે. 

રિપોર્ટ અનુસાર બીસીસીઆઇના સૂત્રોએ જણાવ્યુપં છે કે આવા મામલે જ્યારે સમર્થક જૂથ સામેલ થઇ જાય છે તો સ્થિતિ બગડી જાય છે. બંને પરિપક્વ ખેલાડી છે અને એમની સાથે વાત કરીને મામલો ઉકેલાઇ શકે છે. ભારતીય ટીમને સોમવારે રાતે વેસ્ટઇન્ડિઝ પ્રવાસ પર રવાના થવાનું છે. ટીમને આ પ્રવાસે ત્રણ ટી 20, ત્રણ વનડે અને બે ટેસ્ટ મેચ રમવાની છે. 

વર્લ્ડકપમાં સેમીફાઇનલમાં દિલ તોડનારી હાર બાદ ભારતીય ટીમ નવી રીતે વાપસી કરવાના પ્રયત્નમાં લાગેલી છે. સિલેક્ટર્સે આ પ્રવાસ માટે ઘણા યુવા ખેલાડીઓને તક આપી છે. એવામાં જ્યારે ટી 2- વર્લ્ડકપ માત્ર 15 મહિના જ દૂર છે. શ્રેયસ અય્યર, ઋષભ પંત, મનીષ પાંડે અને રાહુલ ચાહરને તક મળવી ભવિષ્ય માટે ફાયદાકારક રહી શકે છે. 

વર્લ્ડકપમાં ટીમ ઇન્ડિયાની હાર બાદ ટેસ્ટ અને વનડે માટે અલગ અલગ કેપ્ટન બનાવવાના સમાચાર પણ ચર્ચામાં હતા. સમાચાર એવા પણ હતા કે વન ડે અને ટી 20 ટીમનો કેપ્ટન રોહિત શર્માને બનાવવામાં આવી શકે છે, જ્યારે ટેસ્ટની કમાન વિરાટ કોહલી જ સંભાળશે. જો કે સિલેક્ટર્સે વેસ્ટઇન્ડિઝ પ્રવાસ પર તમામ પ્રારૂપો માટે વિરાટ કોહલીને ટીમનો કેપ્ટન જાહેર કરવાની અફવાઓ પર વિરામ લગાવી દીધો.