BCCIના વાર્ષિક પુરસ્કાર સમારોહમાં આ વખતે વિરાટ કોહલી ચર્ચામાં રહ્યો. આ કાર્યક્રમમાં વિરાટ પત્ની અનુષ્કા સાથે પહોંચ્યો હતો.ત્યાં હાજર તમામની નજરો આ સ્ટાર કપલ પર ચોંટેલી હતી. અવોર્ડ લીધા બાદ વિરાટે અનુષ્કાની પ્રશંસા પણ કરી. કાર્યક્રમમાં વિરાટને બે સત્ર માટે પૉલી ઉમરીગર ટ્રોફી (વર્ષના સર્વશ્રેષ્ઠ ક્રિકેટર) આપવામાં આવી. અત્યારે કેપ્ટન કોહલી શાનદાર ફોર્મમાં છે. 2016-17 અને 2017-18માં તેનું પ્રદર્શન જબરદસ્ત રહ્યું.
એવોર્ડ રિસીવ કરવા માટે પહોંચેલા વિરાટ કોહલીએ પત્નીના વખાણ પણ ખૂબ જ કર્યા. કોચ રવિ શાસ્ત્રીના અવોર્ડ મેળવ્યા બાદ વિરાટે કહ્યું કે “આજે મારી પત્ની અહીં મારી સાથે હાજર છે એટલે આ અવોર્ડ મારા માટે અત્યંત ખાસ છે.”
આ કાર્યક્રમમાં વિરાટ કોહલી અને અનુષ્કા શર્મા સાથે ભારતીય ટીમના ઘણા ક્રિકેટર્સ શામેલ થયા હતા. હાર્દિક પંડ્યા કે. એલ. રાહુલ જ્યારે દિનેશ કાર્તિક પોતાની પત્ની સાથે પહોંચ્યો હતો.
આ કાર્યક્રમમાં આ અવોર્ડ શોમાં જૂના ખેલાડીઓ અને નવા ખેલાડીઓ એક જ છત નીચે હતા. અંશુમાન ગાયકવાડ અને સુધા શાહને સી.કે. નાયડૂ લાઈફટાઈમ અચીવમેન્ટ અવોર્ડ આપવામાં આવ્યો. જલજ સક્સેના પરવેઝ રસૂલ અને કૃણાલ પંડ્યાને ઘરેલૂ ક્રિકેટમાં સતત સારા પ્રદર્શન માટે અવોર્ડ મળ્યો. જલજ અને રસૂલને રણજી ટ્રોફીમાં સર્વશ્રેષ્ઠ હરફનમોલા અને કૃણાલને વિજય હજારે વન ડે ચેમ્પિયનશીપમાં સારા પ્રદર્શન માટે અવોર્ડ મળ્યો. કૃણાલ ઈન્ડિયા-A ટીમ સાથે ઈંગ્લેન્ડના પ્રવાસે હોવાથી તે અવોર્ડ લેવા હાજર નહોતો.
પુરસ્કાર સમારોહમાં અફઘાનિસ્તાનની રાષ્ટ્રીય ટીમ પણ હાજર હતી. જે ગુરુવારથી ભારત સામે પ્રથમ ટેસ્ટ રમશે. અવોર્ડ સમારંભમાં ઈંગ્લેન્ડના પૂર્વ કેપ્ટન કેવિન પીટરસન પણ હાજર હતા. પીટરસને એમ.એ.કે પટૌડી સ્મૃતિ વ્યાખ્યાન આપ્યું. પીટરસને કહ્યું કે “ટેસ્ટ ક્રિકેટનું માર્કેટિંગ થવું જરૂરી છે.