ક્રિકેટ / દમકાર ક્રિકેટર રહેલા આ ખેલાડી બન્યાં ભારતીય મહિલા ક્રિકેટ ટીમના નવા કોચ, BCCIનું એલાન

• ભારતીય મહિલા ક્રિકેટ ટીમના કોચ બદલાયા
• ઋષિકેશ કાનિટકર બન્યાં મહિલા ટીમના કોચ
• હાલના કોચ રમેશ પવારને એનસીએમાં મોકલી દેવાયા 

ભારતીય ક્રિકેટ કન્ટ્રોલ બોર્ડે મહિલા ટીમમાં એક મોટો ફેરફાર કર્યો છે જે અનુસાર હવેથી મહિલા ક્રિકેટ ટીમના નવા કોચ ઋષિકેશ કાનિટકર રહેશે. હાલના કોચ રમેશ પવાર નેશનલ ક્રિકેટ એકેડમીમાં મોકલી દેવાયા છે. BCCIએ આ મોટો ફેરફાર ઓસ્ટ્રેલિયા સામે ભારતની આગામી 5 મેચોની ટી20 સીરીઝ પહેલા કર્યો છે. ભૂતપૂર્વ ભારતીય ક્રિકેટર ઋષિકેશ કાનિટકરની નિયુક્તિ ઓસ્ટ્રેલિયા સામે આગામી 5 મેચોની ઘરેલુ ટી20 સીરીઝ પહેલા ટીમ સાથે જોડાશે. 

Former India batter Hrishikesh Kanitkar appointed batting coach of senior women's team while head coach Ramesh Powar set to join National Cricket Acdemy under VVS Laxman #BCCI

— Press Trust of India (@PTI_News) December 6, 2022

બેટિંગ કોચ તરીકે મારા માટે એક રોમાંચક સફર- કાનિટકર 
ઋષિકેશ કાનિટકરે કહ્યું કે બેટિંગ કોચ તરીકે સિનિયર મહિલા ક્રિકેટ ટીમ સાથે જોડાવું મારા માટે સન્માનની વાત છે. મને આ ટીમમાં જબરજસ્ત ક્ષમતા દેખાય છે. અમારી મહિલા ટીમમાં યુવાનો અને અનુભવનું સારું મિશ્રણ છે. અમારી ટીમ આગામી પડકાર માટે સંપૂર્ણ રીતે તૈયાર છે. કેટલીક મોટી ટૂર્નામેન્ટ આવી રહી છે. ટીમ સાથે બેટિંગ કોચ તરીકે મારા માટે આ એક રોમાંચક સફર બની રહેશે. 

🚨 NEWS 🚨: Hrishikesh Kanitkar appointed as Batting Coach - Team India (Senior Women), Ramesh Powar to join NCA

More Details 🔽https://t.co/u3Agagamdd

— BCCI (@BCCI) December 6, 2022

મહિલા ક્રિકેટ ટીમના મુખ્ય કોચ રમેશ પવારને એનસીએમાં મોકલ્યા
મહિલા ટીમના હાલના મુખ્ય કોચ રમેશ પવારને નેશનલ ક્રિકેટ એકેડમીમાં નિયુક્તી કરાઈ છે. આ અંગે તેમણે કહ્યું કે સિનિયર મહિલા ટીમના મુખ્ય કોચ તરીકેનો મારો અનુભવ ઘણો સારો રહ્યો છે. તાજેતરના ભૂતકાળમાં મેં દેશના ઘણા દિગ્ગજો અને યુવા ઉભરતા ખેલાડીઓ સાથે કામ કર્યું છે. એનસીએમાં મારી નવી ભૂમિકા સાથે, હું મારા વર્ષોના અનુભવને આગળ વધારવા માંગુ છું.