BCCI AGM / સૌરવ ગાંગુલીનું પત્તુ સાફ, મહિલા IPLનું એલાન, જાણો BCCIની મોટી બેઠકમાં લેવાયેલા નિર્ણયો

• BCCIની 91મી વાર્ષિક સાધારણ સભા યોજાઈ
• પ્રમુખ પદમાં સૌરવ ગાંગુલીની જગ્યા લેશે રોજર બિન્ની
• મેન્સ અને વિમેન્સ ટીમોના ભાવિ પ્રવાસ કાર્યક્રમની જાહેરાત

BCCIની 91મી વાર્ષિક સાધારણ સભા મંગળવારે મળી હતી, જેમાં સૌરવ ગાંગુલીને પ્રમુખ પદેથી રજા આપવામાં આવી છે. રોજર બિન્ની બીસીસીઆઈના નવા અધ્યક્ષ બન્યા છે. બીસીસીઆઈની એજીએમમાં ઘણા મોટા નિર્ણયો લેવામાં આવ્યા હતા. આ મિટિંગમાં બીસીસીઆઇના હોદ્દેદારો ઉપરાંત મેન્સ અને વિમેન્સ ટીમોના ભાવિ પ્રવાસ કાર્યક્રમ અને વિમેન્સ આઇપીએલ અંગે મોટી જાહેરાતો કરવામાં આવી હતી. બીસીસીઆઈના નવા પદાધિકારીઓની વાત કરીએ તો 1983માં ભારતને પહેલીવાર વર્લ્ડ ચેમ્પિયન બનાવવામાં મોટું યોગદાન આપનાર બિન્ની બીસીસીઆઈના હાથમાં આવી ગયો છે. તમામ હોદ્દેદારોની બિનહરીફ વરણી કરવામાં આવી હતી.

🚨 Update 🚨: 91st Annual General Meeting of BCCI

The 91st Annual General Meeting of the Board of Control for Cricket in India (BCCI) was held on October 18th, 2022, in Mumbai.

The key decisions made are as under 🔽https://t.co/c2XV2W2Opl

— BCCI (@BCCI) October 18, 2022

NEW #BCCI president #RogerBinny
BCCI #AGM meeting over pic.twitter.com/xcFS3fOSjC

— Indrajeet chaubey (@indrajeet8080) October 18, 2022

• રાજીવ શુક્લાને ઉપપ્રમુખ તરીકે, જય શાહ સેક્રેટરી તરીકે, દેવજીત સૈકિયાને સંયુક્ત સચિવ તરીકે અને આશિષ શેલાર ખજાનચી તરીકે ચૂંટાયા છે.
• એજીએમમાં બીસીસીઆઇની એપેક્સ કાઉન્સીલમાં પણ પ્રતિનિધિની વરણી કરવામાં આવી હતી. એમકેજે મજુમદારને આ મહત્વની જવાબદારી મળી.
• બીસીસીઆઇની એજીએમમાં આઇપીએલના પ્રતિનિધિ તરીકે અરુણ ધુમલ અને અવિશેક દાલમિયાની વરણી કરવામાં આવી છે. એવા પણ સમાચાર છે કે ધૂમલ આઇપીએલના નવા ચેરમેન બની શકે છે. જોકે, તેની સત્તાવાર જાહેરાત કરવામાં આવી ન હતી.
• એજીએમમાં સામાન્ય સભાએ ઓડિટ એકાઉન્ટ 2021-2022 પાસ કર્યું છે.
• આ બેઠકમાં 2022-2023ના વાર્ષિક બજેટને પણ મંજૂરી આપવામાં આવી હતી.
• જનરલ બોડીએ એજીએમમાં સિનિયર મેન્સ ટીમના 2023થી 2027 સુધીના અને વિમેન્સ ટીમના 2022થી 2025 સુધીના ફ્યુચર ટૂર પ્રોગ્રામને પણ મંજૂરી આપી દીધી છે.
• મુંબઈમાં યોજાયેલી આ બેઠકમાં મહિલા આઈપીએલને પણ મંજૂરી મળી ગઈ છે, જે આવતા વર્ષે માર્ચમાં યોજાવાની છે. મહિલા આઈપીએલની પ્રથમ સિઝનમાં 5 ટીમો હશે અને આ ટૂર્નામેન્ટ પુરુષ આઈપીએલ પહેલા જ રમાશે. મહિલા આઈપીએલમાં 20 લીગ મેચ રમાશે. જેમાં તમામ ટીમો બે વખત એકબીજા સામે રમશે. ટોચની ટીમ સીધી જ ફાઈનલ રમશે.