IPLIN
 

ક્રિકેટ / ધોનીનું કરિયર ખતમ? BCCI એ નવા વર્ષની મહત્વની યાદી જાહેર કરી જેમાં માહીનું નામ નથી

Team VTV 03:04 PM, 16 Jan 20 | Updated: 03:10 PM, 16 Jan 20
Follow us
bcci annual contract list ms dhoni out virat kohli odi career

ભારતીય ક્રિકેટ કંટ્રોલ બોર્ડે ગુરુવારે પોતાના વાર્ષિક કોન્ટ્રાક્ટની જાહેરાત કરી દીધી છે. આ લિસ્ટમાં સૌથી ચોંકાવનારી વાત તો એ છે કે તેમાં મહેન્દ્ર સિંહ ધોનીનું નામ સામેલ નથી. ધોનીએ જુલાઈ 2019 પછી હાલ સુધી કોઈ આંતરરાષ્ટ્રિય મેચ રમી નથી.

  • BCCIએ જાહેર કરી વાર્ષિક કોન્ટ્રાક્ટની યાદી
  • લિસ્ટમાં નથી MS ધોનીનું નામ
  • વિરાટ કોહલી, રોહિત શર્મા A+ ગ્રેડમાં સામેલ

BCCIએ ગુરુવારે તેના વાર્ષિક કરારની જાહેરાત કરી, જે ઓક્ટોબર 2019થી સપ્ટેમ્બર 2020 સુધી ચાલુ રહેશે. આ સૂચિમાં ટીમ ઈન્ડિયાના તમામ ફોર્મેટમાં રમનારા તમામ 27 ખેલાડીઓનાં નામ છે. BCCI દ્વારા બહાર પાડવામાં આવેલી યાદીમાં ગ્રેડ A+ ની યાદીમાં ત્રણ ખેલાડીઓનો સમાવેશ કરવામાં આવ્યો છે, જેમને વાર્ષિક રૂ. 7 કરોડ મળશે. જેમાં ભારતીય કેપ્ટન વિરાટ કોહલી, ઉપ-કપ્તાન રોહિત શર્મા અને જસપ્રીત બુમરાહ સામેલ છે.

ક્યારે પાછો આવશે મહેન્દ્ર સિંહ ધોની?

વર્લ્ડ કપ 2019ની સેમિફાઇનલ બાદ મહેન્દ્ર સિંહ ધોની ક્રિકેટની પિચ પર દેખાયો નથી. આ સમય દરમિયાન ભારતે ઘણી વનડે અને ટી-20 મેચ રમી છે, પરંતુ ધોની સંપૂર્ણ રીતે ગાયબ છે. તાજેતરમાં જ તેમણે નિવેદન આપ્યું હતું કે કોઈ પણ મેચ રમવાનો પ્રશ્ન જાન્યુઆરી પછી જ પૂછવો જોઈએ. આ સિવાય ટીમ ઈન્ડિયાના કોચ રવિ શાસ્ત્રીએ એમ પણ કહ્યું હતું કે એમએસ ધોની ટીમ ઈન્ડિયા પર બોજ બનવા માંગતો નથી, પરંતુ તે ટૂંક સમયમાં મોટી ટુર્નામેન્ટમાં ભારતીય ટીમનો ભાગ બનશે.

શું હવે નહીં રમી શકે ધોની?

લિસ્ટમાં મહેન્દ્ર સિંહ ધોનીનું નામ સામેલ ન હોવાથી અનેક પ્રશ્નો ઉઠી રહ્યા છે. હવે તે ટીમ ઈન્ડિયાની તરફથી રમી નહીં શકે? એવું નથી કારણ કે જે ખેલાડીઓ લિસ્ટમાં સામેલ નથી તે પ્લેઈંગ 11નો ભાગ પણ હોતા નથી.

મહેન્દ્ર સિંહ ધોનીએ જાતે જ હાલમાં ટીમના સિલેક્શનથી દૂર થયા છે. કારણ કે તે કોઈ સીરિઝમાં રમી રહ્યા નથી. 

કોન્ટ્રાક્ટ લિસ્ટમાં કોણ છે સામેલ

ગ્રેડ A+ (વાર્ષિક 7 કરોડ રૂ.)
વિરાટ કોહલી, રોહિત શર્મા, જસપ્રિત બુમરાહ

ગ્રેડ A (વાર્ષિક 5 કરોડ રૂ.)
અશ્વિન, રવિન્દ્ર જાડેજા, ભુવનેશ્વર કુમાર, ચેતેશ્વર પૂજારા, અજિંક્ય રહાણે, કેએલ રાહુલ, શિખર ધવન, મો. શમી, ઈશાંત શર્મા, કુલદીપ યાદવ, ઋષભ પંત

ગ્રેડ B (વાર્ષિક 3 કરોડ રૂ.)
ઋદ્ધિમાન સાહા, ઉમેશ યાદવ, યુજવેદ્ર ચહલ, હાર્દિક પંડ્યા, મયંક અગ્રવાલ

ગ્રેડ C (વાર્ષિક 1 કરોડ રૂ.)
કેદાર જાધવ, નવદીપ સૈની, દીપક ચાહર, મનીષ પાંડે, હનુમા વિહારી, શાર્દુલ ઠાકુર, શ્રેયસ ઐય્યર, વોશિગ્ટન સુંદર.

BCCI Contract List MS Dhoni Out Virat Kohli મહેન્દ્ર સિંહ ધોની લિસ્ટ ગ્રેડ કેપ્ટન
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ