સ્પોર્ટસ / BCCIએ IPL 2025 માટે એમ્પાયરના નામોનું કર્યું એલાન, અનિલ ચૌધરીએ હવે કોમેન્ટરી પકડી

IPL 2025 ની નવી સીઝન માટે અમ્પાયર પેનલની જાહેરાત કરવામાં આવી છે. આ વખતે સાત નવા ભારતીય અમ્પાયરોને તક આપવામાં આવી છે. આ અમ્પાયરોમાં સ્વરૂપાનંદ કન્નુર, અભિજિત ભટ્ટાચાર્ય, પરાશર જોશી, અનિશ સહસ્ત્રબુદ્ધે, કેયુર કેલકર, કૌશિક ગાંધી અને અભિજિત બેંગરીનો સમાવેશ થાય છે. આ ઉપરાંત, અનુભવી અમ્પાયર એસ રવિ અને સીકે ​​નંદનને આઈપીએલ 2025માં અમ્પાયરોના માર્ગદર્શક તરીકે નિયુક્ત કરવામાં આવ્યા છે. IPL 2025 આવતીકાલથી એટલે કે 22 માર્ચથી શરૂ થવા જઇ રહી છે, અને પહેલી મેચ KKR અને RCB વચ્ચે કોલકાતાના ઇડન ગાર્ડન્સ સ્ટેડિયમ ખાતે રમાશે.

નવા અમ્પાયરોને અનુભવ આપવાની યોજના

બીસીસીઆઈ માને છે કે નવા અમ્પાયરોને આઈપીએલ જેવી હાઇ-પ્રોફાઇલ અને હાઇ-પ્રેશર મેચોમાં ભાગ લેવાની તક આપવાથી તેમને મૂલ્યવાન અનુભવ મળશે. તમિલનાડુના ભૂતપૂર્વ ક્રિકેટર કૌશિક ગાંધીનો પેનલમાં સમાવેશ કરવામાં આવ્યો છે.

તેમણે ૩૪ ફર્સ્ટ ક્લાસ મેચ રમી છે અને અમ્પાયર તરીકે આ તેમની બીજી સીઝન હશે. જોકે, તેઓ પહેલાથી જ મહિલા આંતરરાષ્ટ્રીય મેચો અને મહિલા પ્રીમિયર લીગમાં અમ્પાયરિંગ કરી ચૂક્યા છે અને તેમનું પ્રદર્શન પ્રભાવશાળી રહ્યું છે.

આ પણ વાંચોઃ

Video: મુસ્લિમ ક્વોટા બિલને લઇ કર્ણાટક વિધાનસભામાં 'મહાભારત', કૉપીઓ હવામાં ઉછાળતા ગરમાવો

અનિલ ચૌધરી કોમેન્ટ્રી કરશે

આ વખતે, આંતરરાષ્ટ્રીય અમ્પાયરોમાં, શ્રીલંકાના કુમાર ધર્મસેના IPL મેચોમાં અમ્પાયરિંગ કરતા જોવા મળશે નહીં. આ ઉપરાંત, IPL 2024 માં અમ્પાયરિંગ કરનાર અનિલ ચૌધરી પણ આ વખતે અમ્પાયરિંગ કરતા જોવા નહીં મળે. અનિલ ચૌધરી ટીવી કોમેન્ટ્રી તરફ વળ્યા છે અને હવે કોમેન્ટ્રી બોક્સમાં જોવા મળશે.

આ વખતે તન્મય શ્રીવાસ્તવ IPLમાં પણ અમ્પાયરિંગ કરી શકે છે. તાજેતરમાં, UPCA (ઉત્તર પ્રદેશ ક્રિકેટ એસોસિએશન) એ જાહેરાત કરી હતી કે તન્મયને IPL 2025 માં અમ્પાયરિંગની જવાબદારી સોંપવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ