સાઉથ આફ્રિકા વિરુદ્ઘ 2 ઓક્ટોબરના શરૂ થયેલી 3 મેચની ટેસ્ટ સીરિઝ માટે ટીમ ઇન્ડિયાની જાહેરાત કરવામાં આવી છે.
સાઉથ આફ્રિકા વિરુદ્ઘ ટેસ્ટ સીરિઝ માટે ટીમ ઇન્ડિયાની જાહેરાત
ટીમમાં કે.એલ.રાહુલની જગ્યાએ શુભમન ગિલનો સમાવેશ
શુભમન ગિલ પહેલી વખત ઇન્ટરનેશનલ ટીમનો ભાગ
વનડે અને T-20ના વાઇસકેપ્ટન રોહિત શર્મા ઓપનર તરીકે ટીમમાં શામેલ
ટીમ ઇન્ડિયાની ઑપનિંગ માટે કે.એલ.રાહુલની જગ્યાએ શુભનમ ગિલને શામેલ કરવામા આવ્યો છે. શુભનમ ગિલ પહેલી વખત ટેસ્ટ ટીમમાં શામેલ કરવામાં આવ્યો છે. જેનો મતલબ સ્પષ્ટ છે વનડે અને t-20ના ઑપનર અને વાઇસકેપ્ટન રોહિત શર્માને ટેસ્ટમાં રમવાની રાહ હવે નહી જોવી પડે.
ફેન્સ રોહિત શર્માને ઑપનિંગ કરતા જોઇ શકશે. રાહુલને ખરાબ ફોર્મને કારણે ટીમમાંથી બહાર કરવામાં આવ્યો છે. તાજેતરમાં પૂરી થયેલા વેસ્ટ ઇન્ડિઝના પ્રવાસ પછી તેની જગ્યાએ રોહિતને ટેસ્ટમાં ઑપનિંગ કરાવવામાં આવશે, જેને વર્લ્ડકપમાં 5 સેન્ચુરી ફટકારી છે. ટીમ ઇન્ડિયાની તરફથી ઑપનિંગ રોહિત શર્મા કરશે, જ્યારે બીજી બેટિંગ કરવા માટે મયંક અગ્રવાલ આવશે. તો હનુમા વિહારી મિડલ ઓર્ડર (છઠ્ઠા નંબર) પર આવશે.
સાઉથ આફ્રિકા વિરુદ્ઘ ટેસ્ટ સીરિઝમાં ટીમ ઇન્ડિયામાં વિકેટકીપર તરીકે રિષભ પંત અને રિદ્ઘિમાન સાહાને ચાન્સ આપવામાં આવ્યો છે. સ્પિન ડિપાર્ટમેન્ટમાં આર.અશ્વિન, રવિન્દ્ર જાડેજા અને કુલદીપ યાદવ છે. જ્યારે જસપ્રીત બુમરાહ, ઇશાંત શર્મા સિવાય મોહમ્મદ શામી ફાસ્ટ બૉલર તરીકે પસંદ કરાયા છે.
રોહિતનું સિલેક્શન જોકે વેસ્ટ ઇન્ડિઝ પ્રવાસ પર 2 મેચની ટેસ્ટ સીરિઝ માટે પણ થયું હતુ, જોકે મિડલ ઓર્ડર બેટ્સમેન તરીકે..જોકે મિડલ ઓર્ડરમાં અંજ્કિય રહાણે અને હનુમા વિહારીના શાનદાર ફોર્મને કારણે રોહિતને એક પણ ટેસ્ટમાં રમવા માટે મળ્યુ ન હતુ. રોહિતે પોતાની છેલ્લી ટેસ્ટ ગત વર્ષે ઓસ્ટ્રેલિયા વિરુદ્ઘ મેલબર્નમાં રમી હતી. રોહિતને સાઉથ આફ્રિકા વિરુદ્ઘ ઓપનિંગ કરવાનો મૌકો મળ્યો છે. તો આ લાંબી ફોર્મેટમાં પહેલી વખત હશે જ્યારે મુંબઇનો આ રાઇડ હેન્ડર ઑપનિંગ બેટ્સમેન તરીકે રમશે. રસપ્રદ વાત છે કે રોહિત શર્મા ક્યારેય ટેસ્ટમાં ઓપનિંગ નથી કરી, તેમણે નંબર-3 પર ચાર મેચ રમી છે અને 21.40 એવરેજથી 107 રન કર્યા છે.
કે.એલ.રાહુલ કેમ બહાર?
વેસ્ટ ઇન્ડિઝ વિરુદ્ઘ ટેસ્ટ સીરિઝમાં લોકેશ રાહુલે 25.25ની એવરેજથી 101 રન જ કર્યા હતા. ગત વર્ષે ઓવલ ટેસ્ટમાં ઇંગ્લેન્ડ વિરુદ્ઘ તેણે એક ટેસ્ટની ઇનિંગમાં 101 રનનો આકંડો કર્યો હતો. આ પછી રાહુલ 12 ટેસ્ટ ઇનિંગમાં 17.73ની એવરેજથી માત્ર 195 રન જ કર્યા હતા, જેમાં તેનો સર્વોતમ સ્કોર 44 રન (વેસ્ટ ઇન્ડિઝ વિરુદ્ઘ 2019) છે.