ટીમ ઇન્ડિયા અને સાઉથ આફ્રિકા વચ્ચે 3 વનડે મેચની સીરિઝ માટે ભારયીય સ્કવૉર્ડની જાહેરાત કરી દેવામાં આવી છે. 12 માર્ચના શરૂ થનારી આ સીરિઝમાં હાર્દિક પંડ્યા, શિખર ધવન અને ભુવનેશ્વર કુમારની વાપસી થઇ છે. રવિવારે 15 સભ્યોની ટીમ ઇન્ડિયાની જાહેરાત કરવામાં આવી છે. સિલેક્શન કમિટીના નવા અધ્યક્ષ સુનીલ જોશીના નેતૃત્વમાં પહેલી વખત ટીમની પસંદગી કરી છે.
હવે ટીમ ઇન્ડિયા રમશે ઘરેલૂ સીરિઝ
આફ્રિકા ટીમને આપશે ટીમ ઇન્ડિયા ટક્કર
સાઉથ આફ્રિકાના વિરુદ્ઘ ઘરેલૂ સીરિઝમાં ટીમ ઇન્ડિયાના કેપ્ટન વિરાટ કોહલી કેપ્ટન્સી કરશે. વાઇસ કેપ્ટન રોહિત શર્મા હજુ તેના પગના સ્નાયુઓની ઇજામાંથી મુક્ત થયો નથી અને તે આ મહિનામાં શરૂ થનારી ઇન્ડિયન પ્રીમિયર લીગ સુધી ફિટ થઇ જશે તેવી આશા છે.
#TeamIndia for 3-match ODI series against SA - Shikhar Dhawan, Prithvi Shaw, Virat Kohli (C), KL Rahul, Manish Pandey, Shreyas Iyer, Rishabh Pant, Hardik Pandya, Ravindra Jadeja, Bhuvneshwar Kumar, Yuzvendra Chahal, Jasprit Bumrah, Navdeep Saini, Kuldeep Yadav, Shubman Gill. pic.twitter.com/HD53LRAhoh
જોકે ભારત માટે સૌથી મોટી વાત હાર્દિક પંડ્યાનું પુનરાગમ છે. હાર્દિક છેલ્લે ઇંગ્લેન્ડમાં રમાયેલી વર્લ્ડ કપમાં માન્ચેસ્ટરમાં ન્યૂઝીલેન્ડ સામે છેલ્લી મેચ રમ્યો હતો. ન્યૂઝીલેન્ડ સામેની સેમિફાઇનલમાં ટીમ ઇન્ડિયાને હારનો સામનો કરવો પડ્યો હતો. જ્યારે હાર્દિક સપ્ટેમ્હરમાં બેંગ્લોરમાં સાઉથ આફ્રિકા સામે પોતાની છેલ્લી T-20 મેચ રમ્યો હતો. આ સિવાય સલામી બેટ્સમેન શિખર ધવનનું પણ કમબેક થશે.