ગુજ'રાજ' 2022 / આ ગુજરાતનો ગોલ્ડન કાળ છે, એના માટે આપણે કામ કરવાનું છે: બાવળામાં PM મોદીનો હુંકાર

• પાલનપુર, મોડાસા, દહેગામ અને બાવળામાં મોદીએ જનમેદનીને સંબોધી 
• બાવળામાં PM મોદીનો હુંકાર
• આ ચુંટણી સરકાર બનાવવાની નથી આગામી 25 વર્ષમાં ગુજરાત કેવું બને તે માટેની ચુંટણી છે 

ગુજરાત વિધાનસભાની ચુંટણીને લઇને ગુજરાતની સત્તા હાંસલ કરવા રાજકીય પક્ષો મથામણ કરી રહ્યા છે.  કેન્દ્રીય નેતાઑ ગુજરાતમાં સભા ગજવી મતદારોને રીઝવવા પ્રયાસ કરી રહ્યા છે. ત્યારે વડાપ્રધાન નરેન્દ્ર મોદી પણ ગુજરાતની મુલાકાતે છે. જેમાં આજે પાલનપુર, મોડાસા, દહેગામ અને બાવળા એમ ચાર સ્થળોએ જનમેદનીને સંબોધી હતી. વડાપ્રધાન નરેન્દ્ર મોદીએ કહ્યું હતું કે સાણંદ વિસ્તારમાં ઉદ્યોગનો વિકાસ થતો હતો તે વેળાએ લોકો કહેતા હતા કે જમીનો જતી રહેશે પણ ખેડૂતો રૂપિયા ગણવાના મશીન લઈ આવ્યા હતા, રિક્ષામાં કોથળો ભરીને ચાર બંગડીવાળી ગાડી લેવા જાવ છું. તેમ કહેતા હતા. વધુમાં જણાવ્યું હતું કે આ ચુંટણી સરકાર બનાવવાની નથી આગામી 25 વર્ષમાં ગુજરાત કેવું બને તે માટેની ચુંટણી છે. જે ગુજરાતનો ગોલ્ડન કાળ છે.

ગુજરાતમાં 400 રાઇસ મિલોમાંથી  100 તો એકલા બાવળામાં છે 
બાવળામાં મોદીએ જંગી જનમેદનીને સંબોધતા જણાવ્યું હતું કે, ગુજરાતના વિકાસની વાત કરતા મોદીએ જણાવ્યું કે ગુજરાતમાં 400 રાઇસ મિલો છે, જેમાં 100 તો એકલા બાવળામાં છે. વધુમાં આયુષમાન કાર્ડ અને ઉજ્જ્વલા યોજનાના લાભ અંગે જણાવ્યુ હતું.  વધુમાં પ્રધાનમંત્રી આવાસ યોજનાને લઇને ગરીબોને ઘર મળ્યું અને તેની સાથે સંકળાયેલ ધંધામાં પણ તેજી આવી છે. બીજી બાજુ ગામડાઑનોવ વિકાસ થાય અને આધુનિક બને  તે માટે પ્રયાસો ચાલીરહ્યા છે. આજે મધ્યમ વર્ગ પરિવારના છોકરાઓ પણ અંગેજીમાં ભણી રહ્યા છે જેથી ગામડાની તાકાત વધી. કિસાન સહાય યોજનાને લઇને પૈસા ખેડૂતોના ખિસ્સામાં ગયા હોવાથી પાણી, બિયારણ, દવા સમયસર મેળવવામાં મદદરુપ થાય છે. 

1975માં લોથલને ધમધમતું કરવાનું સપનું જોયુ હતું : વડાપ્રધાન
નર્મદાનું પાણી સેંકડો ગામમાં પહોંચાડી તળાવો ભરવામાં આવે છે. જેને લઇને સિંચાઇથી ધાનની ખેતી દોઢ ગણી વધી ગઈ છે.વધુમાં સ્ટેચ્યૂ ઑફ યુનિટીનું જેટલુ મહત્વ છે તેટલુ જ લોથલમાં મેરીટાઇ મ્યુઝિયમ બનાવી મહત્વ ઊભુ કરવાની ખાતરી આપી હતી. વિશ્વ ભરના લોકો લોથલ આવે તેવી સ્થિતિ નિર્માણ કરવાની વાત કરી હતી. 1975માં લોથલને ધમધમતું કરવાનું સપનું જોયુ હોવાની પણ વડાપ્રધાને વાત કરી હતી.