ફાયદાકારક / આ 1 કામ ઝડપથી શરીરની કેલરી કરે છે બર્ન, વજન ઘટાડવા અને મસલ્સ બનાવવા હોય તો તમે પણ કરી લો

• ઝડપથી કેલરી બર્ન કરવા માટે બેસ્ટ છે આ કસરત
• આજકાલ યુવાનોમાં બોડીને ફિટ અને ટોન્ડ રાખવા માટે આ કસરત ખૂબ જ લોકપ્રિય થઈ રહી છે
• દોરડાની મદદથી કરવામાં આવે છે આ કસરત

દોરડાની મદદથી કરવામાં આવતી આ એક્સરસાઈઝથી સાંધાના દુખાવામાં રાહત મળે છે. ફિટનેસ માટે એરોબિક્સ પસંદ કરનાર યુવાનોને અત્યારે બેટલ રોપ એક્સરસાઈઝ વધુ પસંદ આવી રહી છે. આ એક પ્રકારની હાઈ ઈન્ટેન્સિટી ટ્રેનિંગ હોય છે. જે કેલરીને ઝડપથી બર્ન કરવામાં મદદ કરે છે. માત્ર 1 જ મિનિટમાં 10 કેલરી સરળતાથી બર્ન કરી શકાય છે.

મસલ્સને સ્ટ્રોન્ગ બનાવે છે

બેટલ રોપ બોડી ટોનિંગ અને મસલ્સને સ્ટ્રોન્ગ બનાવવામાં મદદ કરે છે. ખાસ વાત એ છે કે તેને બેસીને પણ કરી શકાય છે. આમાં દોરડાઓની મદદથી વેવ્સ બનાવવામાં આવે છે. આ કસરત કરવા માટે ઘૂંટણને એ રીતે વાળવા જેમાં શરીરનો ભાર પગની એડીઓ પર આવે. જો ઊભા રહીને આ કસરત કરવાના હો તો ધ્યાન રાખવું કે શરીર થોડું આગળની તરફ ઝુકેલું રહે. ભૂલથી પણ પાછળ તરફ ઝુકવું નહીં. નહીં તો ઈજા થઈ શકે છે. 

બિઝી લોકો માટે છે બેસ્ટ

બિઝી રહેતાં લોકો માટે આ એક્સરસાઈઝ બહુ જ કામની છે. આને કરવાથી વ્યક્તિ ઓછાં સમયમાં જ વધુ કેલરી બર્ન કરી શકે છે. જે મહિલાઓ બોડીમાં જામેલા ચરબીના થર ઓછાં કરવા માગતી હોય જેને ઘટાડવા તે કલાકો જિમમાં પરસેવો પાડે છે, તેમના માટે આ કસરત વરદાન સમાન છે. આ એક્સરસાઈઝની ખાસ વાત એ છે કે તમે કોઈપણ સમયે આને કરી શકો છો.