ક્રિકેટમાં અલગ અલગ ફોરમેટને જુદું જુદું મહત્વ આપવામાં આવે છે પરંતુ બધા જ ફોરમેટમાં હાફ સેન્ચુરી ખૂબ અગત્યની રહે છે. કારણ કે અડધી સદીના કારણે ટીમને સ્કોર ઉભો કરવામાં મોટી મદદ મળે છે. આ જ કારણથી આંતરરાષ્ટ્રીય ક્રિકેટમાં ખેલાડીની અડધી સદીને અતિમહત્વ આપવામાં આવે છે.
સચિને તેંડુલકરે ફટકારી સૌથી વધુ હાફ સેન્ચુરી
કુમાર સંગાકારાએ કરિયરમાં 93 હાફ સેન્ચુરી ફટકારી
રાહુલ દ્રવિડ અને પાકિસ્તાનના ઇન્જમામ-ઉલ-હકે 83 અડધી સદી ફટકારી
સચિન તેંડુલકર
ક્રિકેટનાં ભગવાન તરીકે ઓળખાતા સચિન તેંડુલકરે ઘણા બધા રેકોર્ડ પોતાના નામે કર્યા છે. ક્રિકેટનાં બધા જ પ્રારૂપમાં સચિન તેંડુલકરે કમાલ કરી બતાવ્યો છે ત્યારે વન ડેમાં સૌથી વધુ સેન્ચુરી લગાવવાનો રેકોર્ડ સચિનનાં નામે છે અને સૌથી વધુ હાફ સેન્ચુરીનો રેકોર્ડ પણ સચિને જ બનાવ્યો છે. વનડે મેચમાં સચિને 96 અડધી સદી ફટકારી છે.
કુમાર સંગાકારા
કુમાર સંગાકારા ક્રિકેટની દુનિયાનાં એક મહાન ખેલાડી તરીકે જાણીતા છે. શ્રીલંકાનાં પૂર્વ દિગ્ગજ ખેલાડીએ કેટલીય વાર મેદાન પર શાનદાર પ્રદર્શન કરીને લોકોને આશ્ચર્યમાં મૂકી દીધા છે ત્યારે વનડે મેચમાં 93 હાફ સેન્ચુરી ફટકારીને સંગાકારાએ રેકોર્ડ પોતાના નામે કર્યો છે.
જેક કૈલીસ
સાઉથ આફ્રિકાનાં ઓલરાઉન્ડર કૈલીસની દુનિયા દીવાની રહી છે. ક્રિકેટના દરેક પ્રારૂપમાં કૈલીસ પોતાનો જલવો બતાવ્યો છે ત્યારે પોતાના કરિયરમાં 328 આંતરરાષ્ટ્રીય મેચ રમનાર આ ખેલાડીએ 86 હાફ સેન્ચુરી ફટકારી છે. અને સાથે સાથે જેક કૈલિસે 17 સદી પણ ફટકારી છે.
રાહુલ દ્રવિડ
સમગ્ર વિશ્વમાં ધ વોલના નામથી પ્રખ્યાત રાહુલ દ્રવિડ પોતાના દમદાર પ્રદર્શનના કારણે કરોડો દિલ પર રાજ કરે છે. દ્રવિડે આંતરરાષ્ટ્રીય ક્રિકેટમાં 83 હાફ સેન્ચુરી અને 12 સેન્ચુરી ફટકારી છે.
ઇન્જમામ-ઉલ-હક
પાકિસ્તાનના પૂર્વ કેપ્ટન ઇન્જમામ ઉલ હક પાકિસ્તાની ક્રિકેટ ટીમના શ્રેષ્ઠ ખેલાડીઓમાં સામેલ છે, તેમણે આ રમતમાં ઘણીવાર સારું પ્રદર્શન કર્યું છે ત્યારે એકદિવસીય આંતરરાષ્ટ્રીય ક્રિકેટમાં તેમણે રાહુલ દ્રવિડની જેમ જ 83 હાફ સેન્ચુરી ફટકારી છે.