નાનપણથી જ આપણને રોજ ન્હાવાની સલાહ આપવામાં આવે છે પરંતુ વૈજ્ઞાનિક તારણો મુજબ રોજ ન્હાવું નુકસાનદાયક છે.
ન્હાવાથી થઇ શકે છે ઘણી સમસ્યાઓ
ગર્મ પાણીથી ન્હાવું સ્વાસ્થ્ય માટે હાનિકારક
નાહ્યા પછી સ્કીન ક્રીમ લગાવવી આવશ્યક
ન્હાવાથી ગુડ બેક્ટેરિયા નીકળી જાય છે
ઘરડા લોકો હમેશાં કહેતા હોય છે કે, રોજ ન્હાવાથી માણસના અડધા રોગ દુર થઇ જાય છે પરંતુ હાર્વર્ડ હેલ્થની એક રીપોર્ટ મુજબ તંદુરસ્ત સ્કીન ત્વચા પર ઓઈલનું લેયર અને ગુડ બેક્ટેરિયાને સંતુલનમાં રાખવાનું કામ કરે છે. જયારે આપણે ન્હાતા હોઈએ ત્યારે તે બેક્ટેરિયા નીકળી જાય છે અને તે શરીર માટે નુકસાનકારક છે.
ન્હાવાથી ઈમ્યુન સિસ્ટમની ક્ષમતા ઘટી જાય છે
નાહ્યા પછીની શુષ્ક ત્વચા બહારના બેક્ટેરિયાને અને એલર્જીને આકર્ષિત કરે છે. જેનાથી સ્કીન ઇન્ફેકશન થવાનું જોખમ વધી જાય છે. તેટલા માટે જ ડોક્ટર લોકોને નાહ્યા પછી સ્કીન ક્રીમ લગાવવાની સલાહ આપે છે. શરીરમાં એન્ટિબોડીઝ બનાવવા માટે કોમન બેક્ટેરિયા તથા સૂક્ષ્મ જીવોની આવશ્યકતા હોય છે. વારંવાર ન્હાવાથી ઈમ્યુન સિસ્ટમની ક્ષમતા ઘટી જાય છે.
ત્વચા અને વાળને થઇ શકે છે નુકસાન
ન્હાતી વખતે આપણે જે એન્ટી બેક્ટેરિયલ શેમ્પૂ અને સાબુનો ઉપયોગ કરીએ છીએ તે પણ ગુડ બેક્ટેરિયાને મારી શકે છે. ડોક્ટરની સલાહ મુજબ સ્કીનની સમસ્યા હોય તેવા લોકોએ 5 મિનીટથી વધુ સમય ન્હાવું જોઈએ નહી. એક મિનીટથી વધુ સમય ફુવારાના નીચે ઉભું રેહવાથી ત્વચા અને વાળ ખરાબ થઇ શકે છે.
ગરમ પાણી સ્વાસ્થ્ય માટે હાનીકારક છે
ગરમ પાણી શરીરના નેચરલ ઓઈલને હટાવીને ત્વચાને નુકસાન કરે છે. ન્હાતી વખતે પાણીનું તાપમાન સામાન્ય હોવું ખુબ જ જરૂરી છે. ગરમ પાણી કેરોટીન નામનાં સ્કીન સેલ્સને નુકસાન કરે છે. જેનાથી ત્વચામાં ડ્રાયનેસ, રેશિઝ તથા ખંજવાળની સમસ્યામાં વધારો થાય છે. શિયાળામાં ગરમ પાણીથી ન્હાવું સ્વાસ્થ્ય માટે હાનીકારક છે.
આંખોમાં ખંજવાળની સમસ્યા થઇ શકે છે
જો તમને ડ્રાય સ્કીનની સમસ્યા હોય તો ન્હાતી વખતે સાબુનો ઉપયોગ કરવો વધુ નુકસાનકારક છે. ગરમ પાણીથી ન્હાવાથી આંખોની ભીનાશ ઓછી થઇ જાય છે. જેનાથી આંખોમાં ખંજવાળની સમસ્યા થઇ શકે છે. ગરમ કે ઠંડા પાણી કરતા સામાન્ય તાપમાન વાળા પાણીનો ઉપયોગ કરવો વધુ યોગ્ય છે.