કોર્ટની ટિપ્પણી / 'પોલીસની મનમાની રોકો નહીં તો આપણું રાજ્ય...', જિગ્નેશ મેવાણીના કેસમાં કોર્ટે આસામ પોલીસની ઝાટકણી કાઢી

• MLA જિગ્નેશ મેવાણીને બારપેટાની કોર્ટે આપ્યા જામીન
• કોર્ટે જિગ્નેશ મેવાણીના મામલે આસામ પોલીસને ફિટકાર લગાવી
• ...તો આપણું રાજ્ય એક પોલીસ સ્ટેટ બની જશે: બારપેટા સેશન્સ કોર્ટ

ગુજરાતના વડગામના ધારાસભ્ય જિગ્નેશ મેવાણીને આસામની બારપેટાની કોર્ટે મહિલા પોલીસકર્મી સાથે કથિત છેડતીના કેસમાં જામીન આપી દીધા છે. ત્યારે આ મામલે કોર્ટે જિગ્નેશને ફસાવવાની કોશિશ કરવા માટે રાજ્ય આસામ પોલીસને ફિટકાર લગાવી છે. કોર્ટે કહ્યું કે, 'જો પોલીસની મનમાની નહીં રોકવામાં આવે તો આપણું રાજ્ય એક પોલીસ સ્ટેટ બની જશે.'

Court pulls up Assam Police for registering "false FIR" while releasing Gujarat MLA Jignesh Mevani on bail

— Press Trust of India (@PTI_News) April 29, 2022

મહિલા પોલીસ અધિકારી પર કથિત હુમલાનો આરોપ યોગ્ય નથી : કોર્ટ

કોર્ટે કહ્યું કે, 'ખોટા આરોપ લગાવીને FIR દાખલ કરવી એ યોગ્ય નથી.' પોલીસને ફિટકાર લગાવતા બારપેટા જિલ્લા અને સત્ર જજ અપરેશ ચક્રવર્તીએ કહ્યું કે, મહિલા પોલીસ અધિકારી પર કથિત હુમલાનો આરોપ યોગ્ય નથી. 2 પોલીસ અધિકારીઓની હાજરીમાં ધરપકડ કરવામાં આવેલી વ્યક્તિ એક મહિલા પોલીસ અધિકારી સાથે મારપીટ ના કરી શકે. જજે ગુવાહાટી હાઇકોર્ટને પણ અનુરોધ કર્યો કે, આસામ પોલીસને આ મામલાને સુધારવાનો નિર્દેશ આપવો જોઈએ.

કોર્ટે કહ્યું 'આસામ પોલીસને બોડી પર કેમેરા લગાવડાવો'

મેવાણીને જામીન આપવાના પોતાના આદેશમાં બારપેટા સેશન્સ કોર્ટે ગુવાહાટી હાઈકોર્ટને રાજ્યમાં તાજેતરમાં જ પોલીસની દમનગીરી વિરૂદ્ધ એક અરજી પર વિચાર કરવાનો પણ અનુરોધ કર્યો. સેશન્સ કોર્ટે ગુવાહાટી હાઇકોર્ટને એમ પણ કહ્યું કે, 'આસામ પોલીસને બોડી પર કેમેરા લગાવડાવો અને પોતાના વાહનોમાં પણ CCTV કેમેરા લગાવવાનો આદેશ આપવામાં આવે, જેથી કોઇ આરોપીની ધરપકડ કરવા પર ઘટનાઓના ક્રમને પણ તેમાં રેકોર્ડ કરી શકાય.'

મહિલાએ FIR માં કંઈક બીજું કહ્યું, મેજિસ્ટ્રેટની સામે કંઇક અલગ જ ઘટના વ્યક્ત કરી

જજ અપરેશ ચક્રવર્તીએ આદેશમાં કહ્યું કે, મેજિસ્ટ્રેટ દ્વારા નોંધવામાં આવેલ મહિલાના નિવેદનને ધ્યાનમાં રાખીને જો તાત્કાલિક મામલાને સાચો માની લેવામાં આવે તે સાચું નથી. તો આપણે દેશના ગુનાહિત ન્યાયશાસ્ત્રને ફરીથી લખવું પડશે. કોર્ટે કહ્યું કે, મહિલાએ એફઆઈઆરમાં કંઈક બીજું કહ્યું છે અને મેજિસ્ટ્રેટ સમક્ષ એક અલગ જ વાત કહી છે. મહિલાની જુબાની જોતા એવું લાગે છે કે જિગ્નેશ મેવાણીને કસ્ટડીમાં રાખવાના હેતુથી જ તાત્કાલિક કેસ કરવામાં આવ્યો છે.

કોર્ટે કર્યું કે, પોલીસ કર્મચારીઓ દ્વારા આવા આરોપીઓને ગોળી મારીને મોતને ઘાટ ઉતારવાના અથવા તો આવા આરોપીઓને ઘાયલ કરવાના કિસ્સાઓ રાજ્યમાં નિયમિત બની ગયા છે. હાઈકોર્ટ આસામ પોલીસનો કંઇક ઉપાય કરી ખુદને સુધારવાનો નિર્દેશ આપવા પર વિચારી શકે છે.

Gujarat MLA, Dalith Leader Jignesh Mevani Left Assam Court In ‘Pushpa’ Style .#JigneshMevani #PushpaTheRise pic.twitter.com/8ZcqruBZ6X

— Das Vanthala (@DasVanthala) April 25, 2022

જાણો કેમ કરાઈ હતી જિગ્નેશ મેવાણીની ધરપકડ ?

PM મોદી પર ટ્વિટ કરવાના કેસમાં ધારાસભ્યની ધરપકડ કરાઈ
અસમ પોલીસે કરી મેવાણીની ધરપકડ
ટ્વિટમાં મેવાણીએ દાવો કર્યો કે PM નરેન્દ્ર મોદી 'ગોડસેને ભગવાન માને છે'
કોકરાઝાર પોલીસે દાખલ કરી FIR
ટ્વિટ કેસમાં જામીન મુક્ત થયા બાદ ફરી થઈ હતી ધરપકડ
મેવાણીની મહિલા પોલીસકર્મી પર હુમલો કરવા બદલ ધરપકડ કરાઈ
જે તેને કોકરાઝાર લાવવાની ટીમનો ભાગ હતા

@TwitterIndia has withheld my last two tweets.
One tweet talks about RSS not hoisting the tricolour for centuries. This is a historical truth & the other is about Modi ji's belief in Godse's ideology.

I challenge the BJP to prove any of these facts wrong. @Twitter pic.twitter.com/yJ2VQ4wqgm

— Jignesh Mevani (@jigneshmevani80) April 20, 2022

રાહુલ ગાંધીએ મેવાણીની ધરપકડને ગેરબંધારણીય ગણાવી હતી

આસામના કોકરાઝારની કોર્ટે રવિવારે ગુજરાતના સ્વતંત્ર ધારાસભ્ય જીગ્નેશ મેવાણીને એક દિવસની ન્યાયિક કસ્ટડીમાં મોકલી દીધા હતાં. અધિકારીએ કહ્યું હતું કે મેવાણીની જામીન અરજી સહિતના કેસની સુનાવણી સોમવારે થશે. મેવાણીની ત્રણ દિવસની પોલીસ કસ્ટડી પૂરી થતાં રવિવારે મોડી સાંજે તેને કોર્ટમાં રજૂ કરવામાં આવ્યો હતો. આ કેસમાં દલીલો રાત્રે 9.30 વાગ્યા સુધી બે કલાકથી વધુ ચાલી હતી.બીજી બાજુ કોંગ્રેસ નેતા રાહુલ ગાંધીએ ગુરુવારે આસામ પોલીસ દ્વારા જીગ્નેશ મેવાણીની ધરપકડને "અલોકતાંત્રિક" અને "ગેરબંધારણીય" ગણાવી હતી.

આસામ કોર્ટમાંથી જામીન મળતા જ MLA જિગ્નેશ મેવાણીએ મારી હતી પુષ્પા સ્ટાઇલ

મેવાણી પર સોશિયલ મીડિયામાં પીએમ મોદી વિરુદ્ધ ટિપ્પણી કરવાના આરોપમાં જામીન મળ્યા બાદ તુરંત ધારાસભ્યની એક મહિલા પોલીસ અધિકારી સાથે કથિત રીતે ગેરવર્તૂણક કરવાના આરોપ ધરપકડ કરાઈ હતી. જોકે ગઇકાલે(29 એપ્રિલ) તે કેસમાં પણ મેવાણીને જામીન મળી ચૂક્યા હતા. ત્યારે ધરપકડ દરમિયાન અને જામીન મળતા સમયે પણ મેવાણી સાઉથની મૂવી પુષ્પાના એક ડાયલોગને બોલતા કહ્યું કે, મે ઝુકેગા નહીં. સાથે તેમણે પુષ્પા સ્ટાઇલ પણ કરી હતી.